Hat joldanǵan kórínedí.
"Reseı temír joldary" Qazaqstannan astyqty tranzıttík tasymaldau qūnyn tómendetudí sūraıdy, dep habarlaıdy Almaty-akshamy.kz Inbusiness.kz caıtyna sílteme jasap.
"Reseı temír joldary" kompanıyasynyń baspasóz qyzmetí Reseıdíń Omby, Orynbor jáne Novosíbír oblystarynyń basshylyǵymen bírlesíp, atalǵan sūraq boıynsha "Qazaqstan temír joldary" kompanıyasymen "dıalog júrgízíp jatqanyn" rastady. Qyrkúıek aıynda elímízge tarıftí tómendetu qajettílígíníń negízdemesí bar hat joldanǵan kórínedí.
Eurazıyalyq ekonomıkalyq odaqtyń normalarynda kórsetílgendeı, oǵan múshe elderdíń aumaqtary boıynsha tranzıttík tasymaldaular "TMD-nyń tarıftík sayasatyna sáıkes" júzege asyrylady. Mūnda stavkalar temír jol boıynsha íshkí tasymaldarǵa arnalǵan tarıfterden qaraǵanda áldeqaıda joǵary kórínedí. Būl másele 8 qarasha kúní "Reseı temír joldary" menedjerlerí men "Edınaya Rossıya" deputattarynyń jabyq kezdesuínde talqylanǵan.
Reseı astyq odaǵynyń vıtse-prezıdentí Aleksandr Korbuttyń aıtuynsha, qazírgí jaǵdaıda sanktsıyalar saldarynan astyqty jetkízude qıyndyqtar tuyndaǵandyqtan, ónímdí Qazaqstan arqyly tasymaldau tıímsíz. Ol "kórshí respublıka reseılík astyqty qaıta satuǵa múmkíndík beretín "básekelestík artyqshylyqqa" ıe bolady" dep esepteıdí.