Almaty ákimi Erbolat Dosaev jumys sapary aıasynda Almaty qurylys jáne halyq kásipshiligi kolejinde bolyp, onyń mysalynda jastarǵa tehnıkalyq jáne kásiptik bilim berý (TjKB) berý sapasymen tanysty, dep habarlaıdy Almaty-akshamy.kz
Qala basshysy kolejdiń oqý aýdıtorıalaryn aralap, materıaldyq-tehnıkalyq bazamen tanysty. «Jas maman» baǵdarlamasy aıasynda mekemeni zamanaýı jabdyqtarmen jaraqtandyrý úshin respýblıkalyq búdjetten 170 mln teńge bólindi. Jobany iske asyrý kadrlardy daıarlaýdyń jańa baǵyttaryn ashýǵa múmkindik berdi: dızaın, sáýlet, jıhaz óndirisi, elektrmen jabdyqtaý. Qala basshysyna bilim berý úderisine WorldSkills qozǵalysynyń standarttary belsendi engizilip jatqany baıandaldy. Sheberler men oqytýshylar oqytý daǵdylaryn jetildirý úshin Germanıaǵa, Túrkıaǵa, Malaızıaǵa jáne t. b. sheteldik taǵylymdamaǵa jiberiledi.
«Almaty qurylys jáne halyq kásipshiligi koleji» KMQK dırektory Kamal Jamangózov biryńǵaı oqý ortasyn qurý maqsatynda áleýmettik áriptestermen baılanysty keńeıtý boıynsha júrgizilip jatqan jumystar týraly aıtyp berdi. Aǵymdaǵy jyldyń 30 qarashasynda kolej bazasynda Reseı Federasıasynyń «TehnoNıkol» qurylys akademıasynyń qoldaýymen sáýlet jáne qurylys salasyndaǵy halyqaralyq quzyretter ortalyǵyn ashý josparlanýda. Basty mindet – stýdentterge sapaly montajdaý jumystaryn júrgizý úshin ınovasıalyq tehnologıalardy qoldaný daǵdylaryn úıretý, sondaı-aq shatyrlarda, qasbetterde jáne irgetastarda zamanaýı jáne energıa tıimdi materıaldarmen jáne júıelermen jumysty ıgerý. Bilim berýdegi yntymaqtastyqtyń mundaı túrleri kolej mamandarynyń biliktiligin arttyrýǵa múmkindik beredi. Sonymen qatar, «TehnoNıkol» kompanıasymen yntymaqtastyq aıasynda kolejge 120 mln teńge ınvestısıa tartyldy.
Óz kezeginde qalalyq bilim basqarmasynyń basshysy Lázzat Jylqybaeva qala ákimine Almatyda TjKB uıymdarynda kadrlar daıarlaý 99 mamandyq jáne 165 biliktilik boıynsha júzege asyrylatynyn baıandady. 2023-2024 oqý jylynda TjKB Uıymyna 29 747 stýdent qabyldandy, onyń ishinde memlekettik bilim berý tapsyrysy sheńberinde 16 470 stýdent qabyldandy. Sondaı-aq, NEET sanaty boıynsha 161 stýdent tegin oqýǵa qabyldandy.
Kolejge barý qorytyndysy boıynsha megapolıs ákimi Erbolat Dosaev qazirgi eńbek naryǵynyń talaptaryna sáıkes arnaıy bilim berý sapasyn arttyrý boıynsha jumysty kúsheıtýdi, sondaı-aq jas urpaqty tegin tehnıkalyq jáne kásiptik bilim alýǵa belsendi tartýdy tapsyrdy. Sonymen qatar, ákimniń tapsyrmasy boıynsha kolej sheberleriniń jalaqysyn kóterý máselesi pysyqtalatyn bolady.
«Prezıdenttiń tapsyrmasy boıynsha biz kásiptik-tehnıkalyq bilim berýdi damytýǵa erekshe nazar aýdaramyz. Bizdiń mamandar naryqta suranysqa ıe bolýy tıis. Óte mańyzdy másele - túlekterdiń bilim sapasy. Biz WorldSkills bazalyq standarttaryn negizge aldyq, onda kolejder men stýdentter eń joǵary talaptarǵa saı bolýy kerek. Teorıany da, praktıkalyq daǵdylardy da teń oqytý qajet. Bul bizdiń túlekterimizge óz bilimderin shynaıy ómirde qoldanýǵa múmkindik beredi», - dedi Erbolat Dosaev. Megapolıs basshysy qala ákimdiginiń túlekterdi jumyspen qamtýǵa basa nazar aýdaratynyn, jastar saıasatyn damytý arqyly kolejderdi qoldaý sharalaryn keńeıtýge daıyn ekenin atap ótti.
Eske salsaq, Memleket Basshysy Qasym-Jomart Toqaev Qazaqstan halqyna Joldaýynda «Tegin tehnıkalyq jáne kásiptik bilim berý" jobasyn iske asyrýdy jalǵastyrýdyń mańyzyn ótip, suranysqa ıe mamandyqtar boıynsha tegin TjKB-ny júz paıyz qamtýdy qamtamasyz etýdi tapsyrǵan bolatyn.
«Almaty qalasyn damytýdyń 2025 jylǵa deıingi baǵdarlamasyn jáne 2030 jylǵa deıingi orta merzimdi perspektıvalardy» iske asyrý jónindegi Jol kartasyna sáıkes qalada 2025 jylǵa deıin tehnıkalyq jáne tehnologıalyq memlekettik kolejder bazasynda 18 quzyret ortalyǵyn ashý josparlanýda.
Anyqtama: Aǵymdaǵy jyldyń qarasha aıynda birlesken sáýlet-qala qurylysy forýmy aıasynda Almaty ákimi Erbolat Dosaev jas sáýletshiler qoldanatyn standartty emes sheshimderdi erekshe atap ótip, qala ákimdiginiń olardyń 20-yn bekitý jónindegi josparlar týraly habarlaǵan bolatyn.