Jańa balabaqsha Almatynyń Bostandyq aýdanynda mektepke deıingi mekemelerindegi oryn tapshylyǵyn tórtten birine azaıtýǵa múmkindik beredi..
Almaty qalasynyń Bostandyq aýdanynda 480 oryndyq jańa balabaqsha salynady, dep habarlaıdy Almaty-akshamy.kz.
Almaty qalasynyń 2021-2025 jyldarǵa arnalǵan damý josparyn iske asyrý aıasynda Bostandyq aýdanyndaǵy Orbıta-3 shaǵyn aýdanynda 480 oryndyq jańa balabaqsha ashylady. Almaty ákimi Erbolat Dosaev jumys sapary barysynda mektepke deıingi mekemeni salý jónindegi josparmen tanysty. Balabaqsha 2 ga alańda ornalasqan 2 ǵımarattan turatyn burynǵy №1 balalar úıiniń ornynda salynady.
Nysan 2021 jyly komýnaldyq menshikke berildi. Qurylys basqarmasy bilim basqarmasymen birlesip ǵımaratty qaıta qurý týraly sheshim qabyldady. Qurylys basqarmasynyń basshysy Almas Shabdarbaev qala basshysyna jobaǵa sáıkes nysanda úı-jaılardy qaıta josparlaý, tirek konstrýksıalaryn kúsheıtý, qoldanystaǵy galereıany buzý jáne aýmaqty abattandyrý qarastyrylǵanyn baıandady.
Burynǵy balalar úıiniń bos turǵan ǵımaratyn balabaqshaǵa qaıta jańartý mektepke deıingi mekemelerdegi oryn tapshylyǵyn 25% - ǵa tómendetýge múmkindik beredi. Qazirgi ýaqytta Bostandyq aýdanynda 2 myńnan astam bala balabaqshaǵa kezekte tur.
Qala basshysy merdigerdi anyqtaý rásimin jedeldetýdi jáne aǵymdaǵy jyldyń sońyna deıin konkýrs ótkizýdi tapsyrdy. Qurylystyń normatıvtik merzimi - 12 aı. Osylaısha, nysandy tapsyrý merzimi 2024 jyldyń sońy men 2025 jyldyń basyna belgilengen.
Anyqtama:
Bostandyq aýdanynda aǵymdaǵy jyly 603 oryndyq qosymsha 15 jeke blbabaqsha ashyldy. "Akvarel" turǵyn úı kesheninde aǵymdaǵy jyldyń birinshi jartyjyldyǵynda 300 oryndyq №189 balabaqsha paıdalanýǵa berildi. Navoı kóshesindegi №113 bóbekjaı ǵımaratyn seısmıkalyq kúsheıtý jáne kúrdeli jóndeý jumystary aıaqtalady.