Almatyda 500 myńnan astam aǵash tamshylatyp sýarýmen qamtylǵan.
Bul týraly Almaty qalasynyń ákimi Erbolat Dosaev jumys sapary aıasynda Bostandyq aýdanynyń turǵyndarymen kezdesýde málimdedi, dep habarlaıdy Almaty-akshamy.kz
Qala turǵyndary jasyl jelekterge avtomatty sýarý júıesin uıymdastyrýdy surady. Erbolat Dosaev kógaldandyrý máselesin sheshý úshin sheteldik tájirıbe muqıat zerttelgenin atap ótti.
2023 jyly jasyl jelekterdi kútip ustaý jáne qorǵaý boıynsha jańa erejeler qabyldandy. Jańa kóshetterge qoıylatyn talap edáýir kúsheıtildi, jasyl ekpelerdi kútý jáne qorǵaý jónindegi normatıvter kóbeıdi, sonymen birge sýarý júıesiniń bolýy kózdelgen.
«Abaı dańǵylynyń boıynda avtomatty sýarý júıesi qarastyrylǵan. Búginde kógaldardy qalpyna keltirý jobasy ázirlenip jatyr. Buǵan qajetti jeliler bar», - dedi Erbolat Dosaev.
Sýarý júıesin uıymdastyrý úshin megapolıste 29 uńǵyma jáne 5 sý jınaǵysh salyndy. Jasyl qordy saqtaý maqsatynda Almatyda 2,3 mln jasyl jelekti túrli zıankesterge bıoóńdeý júrgizilýde. 2025 jylǵa deıin 1,2 mln kóshet otyrǵyzý josparǵa engen.