Buǵan qatysty sotqa deıingi tergeý bastaldy.
ALJIR mýzeıinde lıft qulap, murajaıǵa kelgen eki adam zardap shekti, olar elordalyq klınıkaǵa jatqyzyldy, dep habarlaıdy Almaty-akshamy.kz
16 shildede Selınograd aýdany polısıa bólimine Astana qalasy polısıa departamenti Jedel basqarý ortalyǵynan Ulttyq ǵylymı travmotolgıa jáne ortopedıa ortalyǵyna túrli synyqpen eki áıel jetkizilgen týraly habar tústi.
Zardap shekkenderdiń biri – elorda turǵyny 83 jasta, ekinshisi Aqmol aýyldynda turady, 54 jasta.
"Aldyn ala anyqtalǵandaı, olar ALJIR mýzeıin aralap júrgen. Lıft qulap, ekeýi de dene jaraqatyn aldy. Bul fakti boıynsha Qylmystyq kodekstiń 306-baby 2-tarmaǵy 2-tarmaqshasy (abaısyzda eki nemese odan da kóp adamnyń densaýlyǵyna zıan keltirýge ákep soqqan, qaýipsizdik talaptaryna saı kelmeıtin taýarlardy shyǵarý nemese satý) boıynsha sotqa deıingi tergeý bastaldy", - dep málimdedi Aqmola oblysy polısıa departamentiniń baspasóz qyzmeti.
Bul bap boıynsha 5 myń AEK-ke deıin aıyppul ne sol kólemde túzetý jumystary, 1,2 myń saǵatqa deıingi merzimge qoǵamdyq jumystarǵa tartý, ne bes jylǵa deıin bas bostandyǵyn shekteý, ne sol merzimge bas bostandyǵynan aıyrý jazasy kózdelgen.