Almaty ákimi Erbolat Dosaev Taýly qyrat shaǵyn aýdanynda, ál-Farabı dańǵylynan joǵary ornalasatyn Kongres ortalyqtyń qurylysy jóninde pikir bildirdi, dep habarlaıdy aqshamnews.kz
«Qalanyń jańa Kongres ortalyǵy memlekettik menshikte bolady. Qala búdjetinen ınjenerlik ınfraqurylym men kórkeı̆týge qarjy bólinedi. Sonymen qatar, áleýmettik jaýapkershilik aıasynda jeke demeýshilerdiń qarajaty tartylady», – dedi qala basshysy halyqpen kezdesýde.
Erbolat Dosaev jer telimderin satyp alý barlyq zań talabyna sáı̆kes júrgizilip jatqanyn atap ótti.
«Jer telimderin satyp alý belgilengen tártip boı̆ynsha júzege asyrylady. Usynylǵan baǵaǵa kelispegender sotqa júgine alady. Keı̆bir jer ıelerimen qajetti kelisimder jasalyp, tólemder júrgizildi. Eń bastysy, jer telimderiniń negizgi bóligi qazirdiń ózinde qalanyń menshiginde. Biz turǵyndardyń quqyǵyn eshqandaı̆ jaǵdaı̆da buzbaı̆myz», – dedi ákim.
Qala basshysy Almatyda qazirgi ýaqytta Kongres ortalyqtyń joq ekenin aı̆tty.
«Bizdiń qalamyzda Kongres ortalyq joq, sondyqtan biz ony salamyz. Keı̆bir jalǵan aqparattar tarap, bul aýmaqta komersıalyq jyljymaı̆tyn múlik boı̆ kóteredi degen qaýeset tarady. Qalanyń barlyq turǵynyn sendirgim keledi: komersıalyq jyljymaı̆tyn múlik salynbaı̆dy, tek Kongres ortalyq bolady. Keńes Odaǵynan beri Respýblıka saraı̆ynan basqa mundaı̆ nysandar salynǵan joq», – dedi Erbolat Dosaev.