Qala ákimi Erbolat Dosaev Medeý aýdany turǵyndarynyń suraqtaryna jaýap bere otyryp, Almatydaǵy aýa sapasyn jaqsartý josparlary týraly aı̆tty, dep habarlaıdy aqshamnews.kz
«Biz 2025-2027 jyldarǵa arnalǵan baǵdarlamany ázirledik jáne ónerkásiptik shyǵaryndylardy azaı̆tý, sondaı̆ - aq kólik sektoryn retteý esebinen eleýli nátıjelerge qoljetkize alamyz dep úmittenemiz», - dep atap ótti ol.
Almatyda álemdegi eń iri megapolısterdiń úlgisi boı̆ynsha avtoturaq qunyn arttyrý, sondaı̆-aq shyǵaryndylary tómen aı̆maqtardy (Low-emission zone) qurý josparlanýda. Bul másele qoǵamdyq keńes pen máslıhattyń talqylaýyna usynylady. Qazirgi ekologıalyq standarttarǵa sáı̆kes kelmeı̆tin avtomobılder úshin mundaı̆ aı̆maqtarǵa kirý aqyly bolady dep boljanýda. Alaı̆da, elektromobılder men ekologıalyq taza kólik ıelerine shekteýler áser etpeı̆di.
Sonymen qatar, ákim qalada mobıldilikti jaqsartý úshin jerasty jáne jerústi jedel qoǵamdyq kólikti damytýdyń, sondaı̆-aq kólik-aýysyp otyrý toraptaryn salýdyń mańyzdylyǵyn atap ótti.