Almaty ákimi Erbolat Dosaev Digital Almaty 2025 halyqaralyq sıfrlyq forýmǵa qatysyp, onyń barysynda qala basshysy ınovasıalyq ázirlemeler, sonyń ishinde qazaqstandyq mamandardyń jobalary usynylǵan startap-alleıa men robo-aımaqty aralap kórdi, dep habarlaıdy aqshamnews.kz
Megapolıs basshysy sıfrlyq transformasıanyń jańa jetistikterimen tanysty. «Indýstrıa X» aımaǵynda qazaqstandyq tehnologıalyq kompanıalar iri ónerkásiptik kásiporyndarda engizilgen tabysty jobalardy kórsetti. «Indýstrıa X» óndiristiń ártúrli salalarynda tıimdilikti, sapany jáne ónimdilikti arttyrý úshin jasandy ıntellektti qosa alǵanda, ozyq tehnologıalardy paıdalanýdy qamtıdy.
Ortalyq Azıanyń sıfrlyq haby retinde is- qımyl jasaıtyn Almaty dástúrli túrde forým ótkiziletin orynǵa aınaldy. Bıylǵy jyly is-sharaǵa 300-den astam halyqaralyq sarapshylar qatysyp, 40-tan astam paneldik sesıa aıasynda ekonomıkanyń naqty sektorynda sıfrlyq tehnologıalardy qoldanýdyń tabysty keısteri usynylady.
Aıta keterligi, Qazaqstannyń IT-kompanıalarynyń úshten biri Almatyda shoǵyrlanǵan. Qala basshysynyń tapsyrmasy boıynsha iske asyrylǵan aqyldy qalalardy, jasandy ıntellektti, úlken derekterdi jáne turaqty damýdy qosa alǵanda, negizgi baǵyttardaǵy startaptardy damytýǵa jáne qoldaýǵa baǵyttalǵan Almatynyń İT-ekojúıesin damytý baǵdarlamasynyń arqasynda tartylǵan ınvestısıalardyń jalpy somasy 19,2 mln AQSH dollaryn qurady, al startaptardyń jıyntyq tabysy 5,37 mlrd teńgege jetti. 2 049 jumys orny quryldy.
Megapolıste Almaty Cyber Games (ACG) jobasy sátti damyp keledi, onyń maqsaty - Almatyny óńirdegi kıbersport pen oıyn ındýstrıasynyń basty ortalyǵyna aınaldyrý. 2024 jyly ACG International Tencent Games 2024 birlesken halyqaralyq týrnıri ótti.
Akselerasıalyq jáne ınkýbasıalyq baǵdarlamalar 309 startapty sátti aıaqtady, onyń 16-sy halyqaralyq naryqtardaǵy satylymdardy rastady.
Sonymen qatar, Almatyda Qazaqstanda alǵash ret qala turǵyndarynyń qaýipsizdigin qamtamasyz etý úshin vıdeosaraptama men jasandy ıntellekt paıdalanyldy. 2023 jyly ákimdik memlekettik bilim berý jáne mektepke deıingi mekemelerde keshendi qaýipsizdik júıesin engizdi. Almatynyń tabysty tájirıbesin qabyldaı otyryp, elimizdiń basqa óńirleri de osy tehnologıany engize bastady. Biryńǵaı vıdeomonıtorıng júıesiniń jobasy aıasynda jyl sońyna qaraı biryńǵaı jelige biriktirilgen qalalyq kameralar sany 70 myńǵa deıin ulǵaıady.