Ánshiniń fandomyna 8 jyl bolypty.
Qazaqstandyq ánshi Dımash Qudaıbergen óziniń fandomynyń 8 jyldyǵyna oraı sý jańa ánniń premerasyn jarıalady, dep habarlaıdy aqshamnews.kz
Qudaıbergen óz jankúıerlerine arnaǵan úndeýinde 30 qańtar mereke ekenin aıtty.
"Qurmetti dostar, meniń súıiktilerim Dears! Búgin 30 qańtar – bizdiń ortaq merekemiz. 2017 jylǵy sol bir este qalarlyq kúnnen bastap, sizderge alǵash ret osylaı Dears dep ataǵanyma búgin 8 jyl tolyp otyr. Osy jyldar ishinde biz konserttik týrlarymmen Qazaqstannan bastap Azıa, Amerıka, Eýropaǵa deıingi kóptegen qalalar men elderdi araladyq… Sizderdiń erekshe yqylastaryńyz ben qoldaýlaryńyz úshin, meniń shyǵarmashylyǵyma qyzyǵýshylyq tanytyp, maǵan senim artqandaryńyz úshin sizderge aıtar alǵysym sheksiz",- dep jazdy ol.
Ári qaraı ánshi merekege oraı jańa ánniń premerasyn jarıalady.
"7 naýryzda álemge áıgili kompozıtor jáne prodúser Valter Afanasevtiń jetekshiligimen halyqaralyq avtorlar ujymy jasaǵan týyndyny jaryqqa shyǵaramyz. Bul "Love’s not over yet" áni. Sizderge unaıdy degen úmittemin!", dep jazdy Dımash Qudaıbergen.