Almatyda QR Prezıdenti Qasym-Jomart Toqaevtyń tapsyrmasy boıynsha megapolıs turǵyndaryna ortalyqtandyrylǵan sý berý úshin 4 jańa sý jınaǵyshty jobalaý men salý jumystary júrgizilýde.
Almaty ákimi Erbolat Dosaev Memleket basshysynyń qatysýymen Almaty qalasyn damytý jónindegi jıynda atap ótkendeı, jobalyq qýaty táýligine 15 myń m3 bolatyn, 50 myń turǵyndy qamtıtyn «Qarǵaly» sý jınaǵysh boıynsha jumystar 2020 jyldyń naýryz aıynda bastaldy.
«Merdigerlik kompanıanyń jumysyna baılanysty aıaqtaý merzimi birneshe ret keıinge qaldyryldy. Osy jyldyń maýsym aıynda «QazQSǴZI» AQ-men birlesip salynǵan rezervýarlardy toltyrý boıynsha testilik synaq ótkizilip, tesikter anyqtaldy. Merdiger qazir aqaýdy rettep jatyr, joba kúzde aıaqtalýǵa tıis», - dedi Erbolat Dosaev.
Naýryzbaı aýdanynyń batys bóliginiń 100 myń turǵynyn qamtıtyn, jobalyq qýaty táýligine 22 myń m3 bolatyn «Aqsaı» sý jınaǵyshyna kelsek, bul jumystar 2022 jyldyń tamyz aıynda bastaldy. Biraq materıaldar men qural-jabdyqtyń qymbattaýyna baılanysty búginde jobanyń JSQ-ǵa túzetýler engizilip jatyr. Bul jumys 2023 jyldyń 4 toqsanynda qaıta jalǵastyryp, 2025 jyldyń qyrkúıeginde aıaqtalady dep josparlanǵan.
«Jobalyq qýaty táýligine 9 myń m3, 22 myń turǵyndy qamtıtyn Ermensaı» sý jınaǵyshtyń qazirgi ýaqytta qurylys alańyn aýystyrýǵa baılanysty JSQ túzetý aıaqtalyp keledi. Bul jobany 6,5 mlrd teńgege deıin arzandatýǵa múmkindik beredi. Qurylys 2024 jylǵy 2 toqsanynda bastalady. Sý jınaǵyshty 2025 jyldyń sońyna deıin iske qosý josparlanyp otyr», - dedi qala basshysy.
Al qýattylyǵy táýligine 43 myń m3 «Barlyq» sý jınaǵysh qosymsha 80 myń turǵyndy qamtýǵa múmkindik beredi. Ol boıynsha TEN ázirleý bastaldy, joba 2026 jyly aıaqtalady dep josparlanǵan. Sý jınaý 12 jańa uńǵymanyń arqasynda jer asty kózderinen sý jınaıdy. Ákimniń pikirinshe, atalǵan nysandardyń ýaqytyly aıaqtalýy Almatynyń 250 myń turǵynyn sapaly sýmen úzdiksiz qamtamasyz etýge jol ashady.
