Almatydaǵy №145 mektepti seısmıkalyq kúsheıtý jáne jóndeý jumystary 2023 jyldyń 20 qyrkúıegine deıin aıaqtalady
Almaty qalasynyń Bostandyq aýdanyndaǵy №145 jalpy bilim beretin mektep ǵımaraty búginde 85%-ǵa daıyn. Ǵımarat qurylymdaryn seısmıkalyq kúsheıtý, ishki bólimder men tereze bloktaryn ornatý jumystary aıaqtaldy, ishki ınjenerlik ınfraqurylym júrgizildi, biraq ishki árleý jáne qasbettik jumystar jalǵasyp jatyr. Bul týraly Almaty qalasy ákiminiń orynbasary Asqar Ámrınge búdjet qarjysyna salynatyn qurylys nysandaryn aralaý barysynda merdiger uıymnyń ókilderi baıandady.
Nysandy qalpyna keltirý men kúrdeli jóndeý, seısmıkalyq kúsheıtý jumystary 2021 jyldyń 12 shildesinde bastaldy. Qurylystyń aıaqtalý merzimi – 2023 jylǵy 30 qańtar.
2023 jyldyń aqpan aıynda Almaty qalasynyń ákimdigi «Aq ordasy korporasıasy» JSHS merdigerlik uıymyna sotqa talap aryz berdi. Sot sheshimimen «Aq ordasy korporasıasy» JSHS-ne 3,5 mln teńge kóleminde aıyppul salyndy, jaýapsyz qatysýshy dep tanylyp, memlekettik satyp alýǵa qatyspaıtyn boldy. Apelásıalyq sottyń qaýlysymen sheshim ózgerissiz qaldy.
Merdiger uıymǵa nysandaǵy jumystardy 2023 jyldyń 20 qyrkúıegine deıin aıaqtaý júkteldi.