Almatyda sýmen úzdiksiz jabdyqtaý máselesi Naýryzbaı aýdanyndaǵy Aqjar men Shuǵyla shaǵyn aýdany men Medeý aýdanynyń joǵarǵy bóligindegi turǵyndar úshin ózekti bolyp tabylady, dep habarlaıdy Almaty-akshamy.kz.
«Byltyr kúzde turǵyndardan kelgen kóptegen ótinishti eskerip, «Qazaq stroy» jeke ınvestoryn tartyp, bıyl naýryz aıynan bastap magıstraldyq sý qubyryn, sorǵy stansıasyn jáne sý rezervýarlaryn salý jobasy ázirlenip, iske asyrylýda. Olardyń barlyǵy bıyl 1 tamyzda paıdalanýǵa berildi. Aqjar jáne Shuǵyla shaǵyn aýdandarynyń 35 myń turǵyny qamtyldy», - dedi Erbolat Dosaev Memleket basshysynyń qatysýymen ótken Almaty qalasyn damytý jónindegi keńeste.
Ákimniń aıtýynsha, Medeý aýdanynyń Kamensk ústirti, Kólsaı, Muztaý jáne Iýbıleınyı shaǵyn aýdandary sýmen úzdiksiz jabdyqtalǵan joq. Bul máseleni sheshý úshin bıyl naýryz aıynda Balqash sý jınaǵyshyndaǵy TJ jelisi boıynsha qýatty táýligine 7,2 myń m3 4 uńǵyma men 2 rezervýardyń qurylysy bastaldy, ol 2023 jyldyń sońyna deıin aıaqtalady. Bul 20 myń turǵyndy sýmen qamtýǵa múmkindik beredi.
«Jer ústi sý kózderine táýeldilikti aıtarlyqtaı tómendetý úshin ákimdik qalanyń ál-Farabı dańǵylynan joǵarǵy bóligin 2023 jyldyń sońyna deıin sýmen úzdiksiz qamtamasyz etý úshin 3 sý jınaǵyshty jobalaýdy bastady», - dedi Erbolat Dosaev.