Aldaǵy kúnderi halyqaralyq týrnır ótedi.
Qykúıek aıynyń 13-i men 18-i aralyǵynda Almatydaǵy ústel tenıs ortalyǵynda álemdik deńgeıdegi halyqaralyq týrnır ótedi. Dúbirli dodaǵa tórtkúl dúnıeniń myqtylary qatysyp, júldeler jıyntyǵyn sarapqa salady, dep habarady Almaty-akshamy.kz Inbusiness.kz silteme jasap.
28 memleketten at terletip kelgen sportshylar arasynda olımpıada oıyndarynyń birneshe dúrkin júldegeri Germanıa sportshysy Dmıtrıı Ovcharov, Qytaıdyń Taıbeı elinen olımpıada oıyndarynyń qola júldegeri Lın Iýn Jý, álem chempıonatynyń júldegerleri shvesıalyq Mattıas Falk jáne Koreıa eliniń ókili An Dje Hen syndy atletter bar, dep habarlaıdy Atameken Business.
Qazaqstannyń atynan alamanǵa 22 sporshy qatysady. Erler arasynan olımpıada oıyndaryna qatysýshy Kırıll Gerasımenko men kóptegen halyqaralyq jarystardyń jeńimpazy Alan Qurmanǵalıev syndy sportshylarymyz baǵyn synap kóredi.
Burymdy sportshylarymyz da baıraqty básekege saqadaı-saı daıyn. Buǵan deıingi jarystarda talaı myqtynyń saǵyn syndyrǵan Sarvınoz Mırkadırova, Záýresh Aqasheva jáne Anel Baqyt syndy sheberlerimiz laıyqty óner kórsetedi deıdi mamandar.
Bir aptaǵa sozylatyn bedeldi jarystyń júlde qory 75 myń dollardy quraıdy.