Almatyda jergilikti búdjet kiristeriniń ósýi aǵymdaǵy jyldyń 11 aıynda 1,7 trln teńgeden astam (ósim 21,2%) qurady. Bul týraly Ortalyq komýnıkasıalar qyzmetinde ótken brıfıń barysynda Almaty ákimi Erbolat Dosaev málimdedi, dep habarlaıdy aqshamnews.kz
«Jeltoqsan aıynyń basynda máslıhatqa Almatynyń 2025-2027 jyldarǵa arnalǵan búdjeti engizildi. Elimizdiń tarıhynda alǵash ret 2025 jylǵa arnalǵan qalalyq búdjet 2,2 trln teńgeden asty. Bul 2022 jyldyń basymen salystyrǵanda 2 ese joǵary», – dep atap ótti Erbolat Dosaev.
Onyń aıtýynsha, 2023 jyldyń basynan beri Almaty qalasynyń ákimdigi iri ınfraqurylymdyq jobalardy iske asyrý úshin jobalyq qujattardy daıyndaý boıynsha úlken jumys júrgizdi. Nátıjesinde, 2025 jyly damý búdjeti 2022 jylǵa qaraı 2,2 esege ósip, 458 mlrd teńgege jetti.
«Memleket basshysy aǵymdaǵy jyldyń qarasha aıynda azamattardyń ál-aýqatyn údemeli arttyrýdyń basym mindetin nazarda ustaý qajettigin atap ótti. Qala búdjeti óziniń áleýmettik baǵdarlanýyn saqtaıdy, oǵan 2025 jyly 40%-dan astam nemese 894,3 mlrd teńge, 2022 jylǵa qaraı 1,8 ese, úlesi – 40,2%», – dep tolyqtyrdy Almaty ákimi.
Eske salsaq, aǵymdaǵy jyldyń 6 jeltoqsanynda Almatynyń 2025-2027 jyldarǵa arnalǵan búdjeti bekitilgen qalalyq máslıhattyń kezekten tys otyrysy ótti.