2023 jyly Almaty qalasy ekonomıkalyq ósim boıynsha rekordtyq kórsetkishke qol jetkizdi. Bul týraly Ortalyq komýnıkasıalar qyzmetinde ótken brıfıńte Almaty ákimi Erbolat Dosaev habarlady. Onyń aıtýynsha, qala ekonomıkasynyń turaqty damý qarqyny aldaǵy jyldary da jalǵasyn tabady, dep habarlaıdy aqshamnews.kz
2024 jyldyń 11 aıynyń qorytyndysy boıynsha Almatynyń qysqa merzimdi ekonomıkalyq ındıkatory 6,6%-ǵa deıin ósti. Bul qaladaǵy áleýmettik-ekonomıkalyq damý baǵdarlamalarynyń tıimdi júzege asyrylyp jatqanyn kórsetedi. 2024 jyldyń qorytyndysy boıynsha ekonomıkanyń jalpy ósimi 5,5%-dy quraıdy dep boljanýda, al 2025 jyly bul kórsetkish 6,4%-ǵa deıin jedeldeıdi.
Almatynyń jalpy óńirlik ónimi 2023 jyly 24,8 trln teńgege jetti, bul sońǵy 10 jyldaǵy eń joǵary kórsetkish bolyp tabylady. Ekonomıkanyń negizgi draıverleri retinde óńdeý ónerkásibi, saýda, qarjy jáne saqtandyrý qyzmeti (+12%), aqparat jáne baılanys salalary aıqyndaldy.
Almatynyń ekonomıkalyq turaqtylyǵy men joǵary áleýeti ony Ortalyq Azıanyń jetekshi ekonomıkalyq ortalyqtarynyń biri retinde kórsetip otyr. «Memleket basshysynyń tapsyrmalaryn jáne qalamyzdyń damý baǵdarlamasyn tıimdi júzege asyrý onyń ekonomıkasynyń turaqty ósýimen tyǵyz baılanysty», – dedi Erbolat Dosaev.
2025 jylǵa qaraı Almatynyń ekonomıkalyq damýy odan ári jedeldep, óńirdiń turaqty damýyna qosymsha serpin beredi dep kútilýde. Bul kórsetkishter Almatynyń el ekonomıkasyndaǵy basty rólin aıqyndaı túsedi.
Almaty óz turǵyndary men bıznesine qolaıly jaǵdaı jasap, Qazaqstannyń jáne Ortalyq Azıanyń ekonomıkalyq damýynyń kóshbasshysy bolýdy jalǵastyrýda.