Fýnksıalardy ortalyqsyzdandyrýdy eskere otyryp, Almaty qalasynyń 8 aýdanynyń búdjeti 2022 jylǵa qaraı 6 ese ósimmen 295 mlrd teńge somasynda bekitildi. Bul týraly Ortalyq komýnıkasıalar qyzmetinde ótken brıfıń barysynda megapolıs ákimi Erbolat Dosaev málimdedi, dep habarlaıdy aqshamnews.kz
«2023 jyldyń sáýir aıynda ótkizilgen ókilettikterdi ortalyqsyzdandyrý aýdan ákimderiniń jaýapkershiligin kúsheıtip,ń ózekti máseleleri men problemalardy jedel sheshýdegi jumys tıimdiligin arttyrdy», - dep atap ótti qala basshysy.
Esterińizge sala keteıik, memlekettik basqarýdy ortalyqsyzdandyrý 2023 jyly júzege asyryldy. Máselen, ótken jyldyń 1 sáýirinen bastap birinshi kezeńde qalalyq deńgeıden aýdandyq deńgeıge 15 fýnksıa berildi: joldardy aǵymdaǵy jóndeý, ınjenerlik jelilerdi salý jáne jańǵyrtý, halyqtyń áleýmettik osal toptaryna qoldaý kórsetý, qosymsha jáne mektepke deıingi bilim berýdi jan basyna shaqqandaǵy qarjylandyrý jáne basqalar. Bul qadam aýdan ákimdikteri jumysynyń tıimdiligin edáýir jaqsartty jáne ókilettikterdi berý,jaýapkershilikti kúsheıtý arqasynda qala turǵyndarynyń mańyzdy máseleleri jedel sheshiletin boldy.