Eýroodaq pen AQSH Glazgodaǵy konferensıada ekologıa jaıyn qozǵamaq
Taraptar 2030 jylǵa qaraı zıandy gazdyń taralýynyń úshten bir bóligin azaıtýdy qalaıdy, dep habarlaıdy Almaty-akshamy.kz 24.kz-ke silteme jasap
Bul týraly Eýrokomıssıa bashysy Ýrsýla fon der Láıen Brússelde ótken baspasóz máslıhatynda málimdedi.
Eýroodaq sonymen birge orman qorǵaýǵa 1 mıllıard eýro bólmek.
Onyń syrtynda jasyl tehnologıalarǵa qoldaý kórsetý men Afrıka elderiniń óz ekonomıkasyn balamaly energıa kózderine kóshýi úshin kómek bermek.
«Biz 2030 jylǵa qaraı aýaǵa metan shyǵarý kólemin 30 prosentke azaıtpaqpyz. Ol kómirqyshqyl gazyna qaraǵanda, ǵalamdyq jylynýdy 80 ese artyq týǵyzady. Sondyqtan bul iste keshigýge bolmaıdy. Qazir bastamany 60 memleket qoldady. Ózge elderdi de ortaq iske atsalysýǵa shaqyramyz» - dedi Eýrokomıssıa prezıdenti Ýrsýla fon der Láıen.