Shyǵysqazaqstandyq órt sóndirýshi Italıada ótken kıkboksıńten álem chempıonatynda qola júldeger atandy
SHQO tótenshe jaǵdaılar departamenti baspasóz qyzmetiniń málimetine súıensek, azamattyq qorǵaý aǵa serjanty Berik Qalyqov Semeı qalasyndaǵy №40 órt sóndirý bóliminde júrgizýshi bolyp jumys isteıdi, dep habarlaıdy Almaty-akshamy.kz QazAqparat saıtyna silteme jasap.
«26 jastaǵy órt sóndirýshi únemi sportpen aınalysyp keledi. 15-24 qazan aralyǵynda Italıada kıkboksıńten ótken álem chempıonatynda óner kórsetip keldi. Jarysqa 65 elden 1600 sportshy qatysty. Berik Qalyqov Qazaqstan namysyn qorǵap, qola júldeger atandy», - dep habarlady vedomstvo ókilderi.
Ol tótenshe jaǵdaılar júıesinde 2016 jyldan bastap qyzmet etedi. Sol ýaqyttan beri 13 órtti sóndirip, 20 adamdy qutqarǵan.