Shara Muhtar Áýezovtiń 125 jyldyǵyna oraılastyrylǵan.
Abaı oblysyndaǵy Eńlik-Kebek kesenesi jańǵyrtyldy, dep habarlaıdy Almaty-akshamy.kz
Abaı oblysy ákimdigi baspasóz qyzmetiniń málimetinshe, Muhtar Áýezovtiń mereıtoıy týǵan jeri Abaı aýdanynda keń kólemde atalyp ótýde.
«Úsh kúnge josparlanǵan merekelik sharalar Semeı-Bórili-Qaraýyl baǵytynda kezeń-kezeńimen ótýde. Mereıtoı Muhtar Áýezovtiń áke-sheshesi Omarhan men Nurjamaldyń kesenesine baryp quran baǵyshtaýdan bastaldy. Artynsha kemeńger jazýshynyń týǵan jeri Bórilide bes jasar túıeni qurbandyqqa shalyp, Áýezov rýhyna taǵzym jasaldy», - delingen aqparatta.
Jazýshynyń 125 jyldyǵyn atap ótý jónindegi respýblıkalyq josparǵa sáıkes, bıyl 4 baǵyt boıynsha 82 is-shara uıymdastyrylǵan.
«Abaı aýdanynda isker azamattar men jergilikti halyqtyń qoldaýymen Keńgirbaı bıge eskertkish ornatyldy. Sondaı-aq jańartylǵan Eńlik-Kebek kesenesiniń saltanatty ashylýy boldy. Áýezovtiń mereıtoıy týǵan jerinde úsh kún boıy toılanbaq. Shara barysynda, qazaqsha kúres, alaman báıge, jorǵa jarys, fýtbol, gala konsert ótkizý kózdelýde», - delingen habarlamada.