Ulttyq qordyń jyldyq ınvestısıalyq tabysynyń teń jartysy 18-ge tolmaǵan qazaqstandyqtardyń jeke shottaryna aýdarylyp otyrady - Joldaý
Osy bastamaǵa qatysty pikir bildirgen saıasattanýyshy Samat Nurtaza bul jastardyń áleýmettik jaǵdaıyn jaqsartyp, ajyrasýdyń azaıýyna septigin tıgizetinin aıtty, dep habarlaıdy Almaty-akshamy.kz Almaty.tv.caıtyna silteme jasap.
«Elimizdiń Ulttyq qorynyń ınvestısıalyq tabysynyń 50 paıyzyn 18 jasqa deıingi balalarǵa tóleý qajet degen bastama oryndy. Qazaqstanda jastardyń kóbi úısiz-kúısiz. Bul bastama, meniń oıymsha, jastardyń baspanaly bolýyna úlken dúmpý bolaıyn dep tur. Dálirek aıtsaq, áleýmettik jaǵdaıdyń jaqsarýy men ajyrasýdyń azaıýyna tikeleı áser etedi. Sonymen qatar, qoǵamdaǵy shıelenisken úrdisterdi azaıtady», - dedi Samat Nurtaza.
Budan ózge, saıasattanýshy Joldaýda kóterilgen joldardyń sapasyn arttyrý bastamasy – ekonomıkanyń damýyna serpin beretinin atap ótti.
«Memleket basshysy ataǵan áleýmettik máseleniń biri – 2025 jylǵa deıin 95 paıyz avtojol jóndeledi. Joldyń máselesin bir adamdaı sezinip júrmiz. Tas joldar jóndelse, jańasy salynsa, ekonomıka qarqyndy damıdy. Ol – arterıa. Sebebi, barlyq saýda-sattyq, ishki tasymal dál osy tas joldarǵa baılanysty bolyp otyr», - dep pikir bildirdi saıasattanýshy.