Bul týraly Indýstrıa jáne ınfraqurylymdyq damý mınıstri Qaıyrbek Óskenbaev aıtty, dep habarlaıdy Almaty-akshamy.kz Almaty.tv saıtyna silteme jasap.
Memleket basshysy Qasym-Jomart Toqaev bıylǵy Joldaýynda 2025 jylǵa deıin jergilikti joldardyń keminde 95 paıyzyn jaqsartý jóninde tapsyrma bergenin aıtty.
"Aıtylǵan barlyq syn oryndy. Bul daladan kelgen syn emes, sol joldarmen júrip moıyndalǵan syn, jóndeý kerek. Jańa formatta jumys isteýimiz kerek. Biz memleket tapsyrǵan 11,5 myń shaqyrym joldy salyp jatyrmyz. Qosymsha jergilikti ákimshilikter de salyp jatyr. Bizde 1 mln tonna bıtým shyǵarylady. Al bizge keregi 1,2-1,3 mln tonna kerek. Bıtýmdy kóbeıtý úshin sol zaýyttarmen jumys istep jatyrmyz. Ekinshiden, tehnıka máselesin sheshýimiz kerek", - dedi ol.
Prezıdent Joldaýynda jol qurylysyndaǵy zańsyzdyqtardy anyqtaý qajettigin basa aıtty.
"Bul jumystan naqty nátıje shyǵarý kerek. Bizde áli kúnge deıin bıtým tapshy. Bul – iri kólemde munaı óndiretin el úshin, tipti, uıat jaǵdaı. Úkimet osy máseleni túbegeıli sheshýge tıis. Jalpy, ashyǵyn aıtýymyz kerek, Úkimettiń jumysynda qaıta-qaıta olqylyqtar bolyp jatyr. Birese janar-jaǵarmaı, birese sheker jetispeıdi. Osynyń bári Úkimettiń naqty sheshim qabyldaýǵa kelgende óte baıaý qımyldap, batyl qadam jasaı almaýynan bolyp otyr. Mundaı jaǵdaıǵa azamattardyń da kóńili tolmaıdy. Árıne, bul – oryndy. Sondyqtan, dál osylaı jalǵasa berse, taǵy da naqty kadrlyq sheshimder qabyldaýǵa týra keledi", - dedi Prezıdent óz Joldaýynda.