Búgingi tańda óndirilgen 347 megavatt elektr energıasynyń 307 megavaty ońtústik oblystarǵa jiberilýde, bul Aqtoǵaı qosalqy stansıasynan shyǵatyn jeli arqyly júzege asyp otyr.
Iaǵnı, bizdiń oblysta óndirilgen energıanyń 90%-y ońtústiktiń qajettiligin jabýǵa ketip jatyr.
Bul kórsetkishter eldegi energıa tapshylyǵynyń aýqymyn aıqyndaıdy. Bizdiń basty mindetimiz — energıanyń senimdi jáne turaqty kózderin tabý. Osy turǵyda atom elektr stansıasy (AES) eń tıimdi sheshimderdiń biri bolmaq. AES-tiń bir ǵana blogy myń jarym megavatt energıa óndirýge qabiletti. Bul — búkil aımaqtardyń qajettiligin jabýǵa jáne energıa tapshylyǵyn joıýǵa zor múmkindik.
Men elimizdiń energetıkalyq bolashaǵyna beı-jaı qaramaıtyn barsha azamattardy aldaǵy referendýmǵa belsendi qatysýǵa shaqyramyn. Atom energetıkasy arqyly biz tek energıa tapshylyǵyn sheship qana qoımaı, eldiń energetıkalyq táýelsizdigine qol jetkizip, turaqty damýdy qamtamasyz ete alamyz. 🇰