Atom energetıkasy týraly aıtqan kezde biz áli kúnge deıin Chernobyl apatyn eske alamyz, osydan radıofobıa qalyptasyp qalǵan.
Biraq bul durys emes, sebebi qazirgi atom elektr stansıalary (AES) múlde basqa deńgeıde. Atom energetıkasy búgingi tańda — úlken ári kúrdeli proses, ony durys túsiný óte mańyzdy. Sondyqtan onyń jumys isteý prınsıpin qarapaıym tilmen túsindirý qajet dep sanaımyn.
Atom elektr stansıasynyń qalypty jumys isteýi úshin 2 myńnan astam adam qajet, onyń ishinde 400-ge jýyq joǵary bilimdi mamandar. Bul kórsetkish AES-tiń qanshalyqty kúrdeli jáne jaýapty joba ekenin kórsetedi. Eger Qazaqstanda atom elektr stansıasy salynatyn bolsa, eń ozyq tehnologıalar paıdalanylatyn bolady.
Bizge ótkenniń qorqynyshtarynan arylyp, atom energetıkasynyń qazirgi múmkindikterin durys túsiný qajet. Bul bolashaqtyń energıasy, ol Qazaqstannyń energetıkalyq bolashaǵyna úlken úles qosa alady.