Buıryq 2024 jylǵy 13 sáýirden bastap qoldanysqa engiziledi.
Sheteldikter Qazaqstan Respýblıkasynyń shetelderdegi mekemeleri arqyly JSN ala alady, dep habarlaıdy Almaty-akshamy.kz
"Memlekettik qyzmet kórsetý boıynsha pılottyq joba aıasynda endi shetel azamattary Qazaqstan Respýblıkasynyń shetelderdegi mekemeleri arqyly JSN ala alady" , – delingen qujatta.
Jobanyń qoldanylý merzimi - 2024 jylǵy 31 jeltoqsanǵa deıin.
Memlekettik qyzmet kórsetý merzimi bir jumys kúnin alady.
Azamattyń QR shet elderdegi mekemesine júgingen kúni memlekettik qyzmet kórsetý merzimine kirmeıdi.
Memlekettik qyzmetti alý úshin azamat mekemege ózi júginýi kerek. Sonymen qatar, tómendegi qujattar qajet:
forma boıynsha ótinish;
jeke basyn kýálandyratyn qujattyń kóshirmesi jáne salystyryp tekserý úshin onyń túpnusqasy (eger QR halyqaralyq sharttarynda ózgeshe tártip belgilenbese, sheteldik pasportta jaramdy).
Eger kórsetiletin qyzmetti alýshynyń jeke basyn kýálandyratyn qujatta kırıllısada nemese latyn álipbıinde anyqtama derekteriniń (Tegi, Aty, Ákesiniń Aty, týǵan jeri) jazylýy bolmasa, notarıat kýálandyrǵan qujattyń tıisti aýdarmasyn qosymsha alyp kelý kerek.
Qoldanylý merzimi ótken qujattar nemese tolyq emes qujattar toptamasy usynylǵan jaǵdaıda qujattar qabyldanbaıdy.
Qyzmetti alýshy qajetti qujattardy ótkizgennen keıin:
Qujattardy tekserý
HQKO IAJ-da JSN qalyptastyrýǵa ótinimdi resimdeý.
Ótinimniń daıyn bolý rettiligi:
HQKO IAJ-ǵa kelip túsken JSN qalyptastyrýǵa baılanysty ótinimder toltyrylady.
Daıyn formada kóshi-qon polısıasynyń aqparattyq júıesine jiberiledi.
İİM operatory kelip túsken ótinimderdi tekseredi jáne ótinim durys bolǵan jaǵdaıda JSN qalyptastyrý rásimin júzege asyrady.
Artynsha, İİM operatory kóshi-qon polısıasy arqyly HQKO IAJ-ǵa daıyn JSN týraly málimetterdi jiberedi.
Sodan keıin konsýl tirkeý kýáligin basyp shyǵarady jáne ony kórsetiletin qyzmetti alýshyǵa beredi.
Pılottyq joba iske asyrylatyn Qazaqstan Respýblıkasynyń shet elderdegi mekemeleriniń tizimi bekitildi. Onyń quramyna respýblıkanyń 96 elshiligi men konsýldyǵy kirdi.