Májilis turǵyn úı saıasatyn reformalaý máseleleri boıynsha zańdy ekinshi oqylymda qabyldady.
Zańda memlekettik nemese qoǵamdyq mindetterin, áskerı boryshyn óteý kezinde, adam ómirin saqtap qalý jáne quqyqtyq tártipti saqtaý kezinde qaza tapqan adamdardyń otbasylaryna turǵyn úı berý usynylyp otyr, dep habarlaıdy Almaty-akshamy.kz El.kz-ke silteme jasap.
Jergilikti atqarýshy organdar osy sanattaǵy azamattardy qyzmetker qaıtys bolǵan kúnnen bastap bir jyldan keshiktirmeı turǵyn úımen qamtamasyz etýge mindetti bolady.
Sonymen qatar memlekettik qoldaý sharalary aıasynda beriletin turǵyn úıdiń jalpy kóleminiń keminde 70 paıyzy 1 jáne 2 toptaǵy múgedekterge, múgedek balalary bar jáne olardy tárbıelep otyrǵan otbasylarǵa, jetim balalar men ata-anasynyń qamqorlyǵynsyz qalǵan balalarǵa, «Altyn alqa», «Kúmis alqa» ıegerleri nemese buryn «Batyr ana» ataǵymen, sondaı-aq I jáne II dárejeli «Ana dańqy» ordenderimen marapattalǵandarǵa, kóp balaly otbasylar men jesirlerge beriledi. Bul topqa Uly Otan soǵysy ardagerleri men solarǵa teńestirilgen basqa da áskerı qımyl ardagerleri kiredi, - dedi Ekonomıkalyq reforma jáne óńirlik damý komıtetiniń múshesi Ulyqbek Tumashınov.
Depýtattyń sózinshe, budan bólek halyqtyń áleýmettik turǵyda az qamtylǵan toptarynyń tizimi keńeıtiledi. «Jesirler» sanaty jeke táýelsiz sanatqa bólinedi. Túzetýler asyraýshysynan aıyrylǵandardyń múddelerin qorǵaý úshin engizilip jatyr.