"Katúsha bala-baqshasy" KMQK shtattyq keste men bank shottaryn salystyrý arqyly balabaqsha esepshisiniń 3 jyl boıy ózine artyq jalaqy men bonýstyq tólemderdi eseptegeni anyqtaldy, dep habarlaıdy almaty-akshamy.kz.
Ol óz esepshotyna barlyǵy 12 mıllıon teńgeden astam aqshany zańsyz aýdarǵan.
Atalǵan fakti boıynsha aýdan prokýratýrasy sotqa deıingi tergep-tekserýdi bastady, odan ári is júrgizýdi sybaılas jemqorlyqqa qarsy is-qımyl Qyzmeti júrgizdi.Shyǵys Qazaqstan oblysynyń prokýratýrasy
Tergeý barysynda esepshi óz kinásin moıyndap, keltirilgen shyǵyndy tolyǵymen ótegen.
Sottyń 2024 jylǵy 30 sáýirdegi úkimimen kináli tulǵa senip tapsyrylǵan múlikti asa iri mólsherde ıemdenip jymqyrǵany úshin (Qylmystyq kodekstiń 189-babynyń 3-bóligi) 3,6 jylǵa bas bostandyǵyn shekteýge jáne ómir boıy belgili bir laýazymdardy atqarý quqyǵynan aıyrylýǵa sottaldy.
Sot aktisi zańdy kúshine endi.
Eske sala ketsek, buǵan deıin Almaty mektepteriniń birinde bas esepshi 330 mln teńgeden astam qarajat jymqyrǵany týraly jazǵan edik.