QR İshki ister mınıstrligi Qazaqstan azamatynyń pasportyn, jeke kýáligin, sheteldiktiń Qazaqstanda turýyna yqtıarhatty, azamattyǵy joq adamnyń kýáligin jáne jol júrý qujatyn resimdeý, berý, aýystyrý, tapsyrý, alyp qoıý jáne joıý qaǵıdalaryn bekitý týraly jańa qaǵıdalaryn ázirledi, dep habarlaıdy Almaty-akshamy.kz.
Qazaqstannyń ýákiletti memlekettik organy beretin jeke basty kýálandyratyn qujattar memlekettiń menshigi bolyp tabylady jáne mynadaı derekterdi:
1) tegin, atyn, ákesiniń atyn (ol bolǵan jaǵdaıda);
2) týǵan kúnin, aıyn, jylyn jáne jerin;
3) jynysyn;
4) qaı ultqa jatatynyn - osy Qaǵıdalardyń 2-tarmaǵynyń 4), 5) tarmaqshalarynda kórsetilgen jeke basty kýálandyratyn qujattarda ıesiniń qalaýy boıynsha;
5) azamattyǵyn;
6) fotosýretin;
7) qujatty bergen organnyń ataýyn;
8) qujattyń berilgen kúnin, aıyn, jylyn, nómirin, qoldanylý merzimin;
9) qujattar ıesiniń qolyn;
10) jeke sáıkestendirý nómirin (bosqynnyń kýáligin qospaǵanda);
11) on alty jasqa tolǵan jáne odan asqan, sondaı-aq «Daktıloskopıalyq jáne genomdyq tirkeý týraly» 2016 jylǵy 30 jeltoqsandaǵy Qazaqstan Zańymen belgilengen jaǵdaılarda on eki jastan bastap on alty jasqa deıingi qujat ıesiniń qol saýsaqtarynyń izderin qamtıdy.
Jeke basty kýálandyratyn qujattardy resimdeý sebebine qaramastan, qujattalatyn (on tórt jasqa tolǵan) adamdardyń turaqty tirkelgenin rastaýdy ýákiletti organ aqparattyq júıeler arqyly alady.
Sheteldiktiń Qazaqstanda turýyna yqtıarhatty, azamattyǵy joq adamnyń kýáligin qujattandyrylatyn adam turaqty tirkelgen jerdegi ýákiletti memlekettik organ beredi.
Jol júrý qujatyn qujattandyrylatyn adam esepke alynǵan jerdegi ýákiletti memlekettik organ qujatty alýǵa ótinim berilgen kúnnen bastap on jeti jumys kúninen keshiktirilmeıtin merzimde beredi jáne ol ıesiniń ózine nemese onyń zańdy ókiline tabys etiledi.
Qazaqstan azamatynyń pasporty, jeke kýáligi resimdelgen kúnnen bastap jedeldetilgen tártippen Astana, Almaty, Aqtóbe, Shymkent qalalarynda - bir jumys kúnine deıin, oblys ortalyqtarynda - úsh jumys kúnine deıin, oblystardyń aýdandary men qalalarynda – jeti jumys kúnine deıin beriledi.
Qazaqstan azamattarynyń qalaýy boıynsha jeke basty kýálandyratyn qujattar da jedeldetilgen tártippen resimdelgen kúninen bastap úsh jumys kúnine deıin (Astana, Almaty, Aqtóbe, Shymkent qalalarynda) jáne bes jumys kúnine deıin (oblys ortalyqtarynda) beriledi.
Jeke basty kýálandyratyn qujatty jedeldetilgen túrde bergeni úshin tólem bank mekemeleri jáne kasalyq operasıalardy júzege asyratyn ózge de uıymdar arqyly júrgiziledi.
HQT TP arqyly nemese formýlár blankinde jeke basty kýálandyratyn qujatty resimdegen kezde ýákiletti organnyń qyzmetkeri Qazaqstan zańnamasymen belgilengen tártippen Qazaqstan azamattaryn, sheteldikter men azamattyǵy joq adamdardy daktıloskopıalyq tirkeýden ótkizedi.
Qazaqstan azamatynyń pasportyn ýákiletti memlekettik organ HQT TP paıdalana otyryp, sondaı-aq blankilerdiń formýlárlarynda resimdeıdi. Qazaqstannyń myna azamattaryna:
1) Qazaqstan Respýblıkasynan tys jerlerde turaqty turatyndarǵa;
2) shet memleketterdiń aýmaǵynda ornalasqan oqý oryndarynda bilim alatyndarǵa;
3) shet memleketterde eńbek sharty boıynsha jumys isteıtinderge;
4) Qazaqstan Respýblıkasynan tys jerlerde týǵan jaǵdaıda kámeletke tolmaǵandarǵa;
5) kórsetilgen adamdarmen birge turatyn otbasy múshelerine;
6) Qazaqstan Respýblıkasynan tys jerlerde turatyn sheteldiktiń otbasy músheleri bolyp tabylatyndarǵa;
7) sheteldegi dıplomatıalyq qyzmet personalymen birge turatyn dıplomatıalyq qyzmet personalynyń týystaryna;
8) jasynyń egde tartýyna baılanysty ózine-ózi kútim jasaýǵa qabiletsiz adamdarǵa (qarttar) jáne organızm fýnksıalary buzylyp, turmys-tirshiligin shekteıtindeı turaqty densaýlyǵy nasharlaǵan adamdarǵa, sondaı-aq ózine-ózi qyzmet kórsete almaıtyn jaqyn týystaryn kútýdi júzege asyratyn adamdarǵa;
9) shet memlekettiń aýmaǵynda ustalǵandarǵa nemese kúzetpen ustalatyndarǵa, qamaýǵa alynatyndarǵa, sondaı-aq penıtensıarlyq mekemelerde jazasyn óteýshilerge Qazaqstan azamatynyń pasporty Qazaqstannyń sheteldik mekemeleri arqyly resimdeledi.
9. QR azamatynyń pasportyn toltyrǵan kezde tegi, aty, ákesiniń aty (ol bolǵan jaǵdaıda) jáne basqa da derekter Qazaqstan zańdarynda jáne Qazaqstan Prezıdentiniń aktilerinde kózdelgen jaǵdaılardy qospaǵanda, olardy berý úshin negiz bolǵan qujatqa sáıkes jazylady.
10. QR azamatynyń pasporty qazaq tilinde nemese ıesiniń qalaýy boıynsha orys tilinde, sondaı-aq aǵylshyn tilinde toltyrylady.
11. QR azamatynyń pasporty Qazaqstan azamattaryna jasyna qaramastan, olardyń qalaýy boıynsha beriledi jáne Qazaqstan Respýblıkasynyń aýmaǵynda jáne odan tys jerlerde Qazaqstan Respýblıkasy azamatynyń jeke basyn kýálandyrady.
12. QR azamatynyń pasporty qoldanylý merzimi on jylǵa beriledi.