İrikteýden ótken kýrsanttar Qazaqstannyń Qarýly kúshteriniń namysyn halyqaralyq arenada qorǵaıdy
TMD elderiniń joǵary áskerı oqý oryndarynyń kýrsanttary arasynda II áskerı-sporttyq oıyndarǵa irikteý boıynsha sharalary Qurlyq áskerleriniń áskerı ınstıtýtynda uıymdastyryldy, dep habarlaıdy Almaty-akshamy.kz.
Oǵan Qurlyq áskerleri áskerı ınstıtýtynyń, Radıoelektronıka jáne baılanys áskerı-ınjenerlik ınstıtýtynyń, UQK Shekara qyzmeti akademıasynyń 120 kýrsanty qatysady.
Kýrsanttarǵa arnap Qorǵanys mınıstrligi Sport komıtetiniń tóraǵasy Sıdneıde ótken Olımpıada chempıony Olga Shıshıgına, joǵary áskerı oqý oryndarynyń basshylary sóz sóıledi.
– İrikteý jarystary elimizdiń Qarýly Kúshteriniń qurama komandasyn qalyptastyrýǵa baǵyttalǵan. İrikteýde júgirý, beltemirge tartylý, armıalyq qoıan-qoltyq urys, áskerılendirilgen kros, shaǵyn fýtbol jáne shtattyq qarýdan atý boıynsha jarystardyń nátıjelerine baılanysty bolady, – dedi Qorǵanys mınıstrligi Ortalyq sport klýbynyń sporttyq is-sharalardy uıymdastyrý bóliminiń bastyǵy, maıor Erbol Igısınov.
İrikteýden ótken kýrsanttar Qazaqstannyń Qarýly Kúshteriniń namysyn halyqaralyq arenada qorǵaýǵa múmkindik alady. TMD elderiniń joǵary áskerı oqý oryndarynyń kýrsanttary arasyndaǵy II áskerı-sporttyq oıyndar 2023 jylǵy 5-9 maýsym aralyǵynda Ózbekstan astanasy Tashkentte ótetinin aıta ketken jón.