ADAL partıasynyń AMANAT-qa qosylýy men Prezıdent Qasym-Jomart Toqaevtyń partıamyzdyń tóralyǵynan ketýi sońǵy kúnderdiń basty jańalyǵyna aınaldy.
ADAL-dyń qosylýy AMANAT partıasynyń jetekshi rólin kórsetip qana qoımaı, elektoraldy áleýetimizdi kúsheıe túsetini sózsiz. Mysal retinde 2021 jyly qańtar aıynda ótken parlamenttik saılaýda bul partıanyń 3,57% daýys jınaǵanyn keltirsek bolady. Budan bólek, terezesi teń elderdegi jetekshi partıalardyń birigýi - halyqaralyq tájirıbede jıi kezdesip turatyn proses. Bizdiń partıamyzdyń tarıhynda da bul jaǵdaı oryn alǵan.
Saıası júıeniń transformasıasy partıanyń transformasıasynan bastalǵany bárimizge belgili. Jańa partıalyq jobalar ashylyp, kóshpeli qoǵamdyq qabyldaýlar eldi mekenderde ótkizilip, baǵdarlamalyq qujattarymyzǵa da ózgerister engizilýde. Bul modernızasıanyń tek bastamasy ekeni aıqyndaldy. Kezekti transformasıa ótken sıeze Memleket basshysynyń partıa tóralyǵynan ketý týraly sheshiminde boldy. Bul Qasym-Jomart Toqaevtyń ózi jarıa etken reformalar men jańa Qazaqstan qurý úshin óte mańyzdy qadam.
Óz kezeginde AMANAT partıasy halyqtyń senimin aqtaǵan elimizdegi basty ári jetekshi saıası kúsh retinde ornyqqan. Sondyqtan Prezıdenttiń aınalasyndaǵy qoǵamdyq-saıası konsolıdasıa ortalyǵy AMANAT bolyp qala bermek.