Onlaın rásimdeý kelesi jylǵy shildeden bastap júzege asady.
Qazaqstandyqtar kóliktiń memlekettik tirkeý nómirin ekinshi tulǵaǵa onlaın túrde bere alatyn bolady, dep habarlaıdy Almaty-akshamy.kz
Bul týraly sıfrlyq damý mınıstri Baǵdat Mýsın áleýmettik jelidegi paraqshasynda habarlady.
"Buryn kólik satyp alǵanda, tipti onlaın tranzaksıa jasaǵanda jańa ıesi jańa nómir alý úshin mamandandyrylǵan HQKO-ǵa kelý kerek bolǵan. Endi mundaı qajettilik joıyldy. Kólik nómirin týystaryna berý múmkindigin qarastyrdyq" - dedi Baǵdat Mýsın.
Taǵy bir jańalyq, kólik ıesi turǵylyqty jerin aýystyrsa kólik nómirin de aýystyrýdyń qajeti joq. Sondaı-aq kólik nómirin tirkeýge qajetti qujattar sany azaıtylady. Mýsınniń aıtýynsha, dál osy ońtaıly josparlar tolyq zerttelip baryp, iske qosylady.