30 kún buryn eskertý jasalady.
Push-habarlama tehnıkalyq baıqaý qujatynyń jaramdylyq merzimi aıaqtalatynyn eskertedi, dep habarlaıdy Almaty-akshamy.kz
«eGov mobile mobıldi qosymshasy kólik júrgizýshilerine tehnıkalyq baıqaý qujatynyń merzimi ótetini týraly push-habarlamalar jiberedi», delingen "UAT" AQ qoǵammen baılanys basqarmasy taratqan aqparatta.
Qazaqstandyqtar búginnen bastap push-habarlamalardyń jańa túrin alady. Habarlamalar dıagnostıkalyq tekserý kartasynyń jaramdylyq merzimi aıaqtalatyny týraly aldyn ala habarlaıdy.
"Bul azamattarǵa qujattyń jaramdylyq merzimi týraly 30 kún buryn eskertýge múmkindik beredi. Jiberilgen push-habarlamalar eGov mobile mobıldi qosymshasynyń "Habarlamalar" bóliminde qoljetimdi. Eger mobıldi qosymsha ornatylmaǵan bolsa, paıdalanýshyǵa qosymshany júkteýge siltemesi bar 1414 nómirinen jańa habarlama kelgeni týraly SMS jiberiledi", - delingen habarlamada.
"Ulttyq aqparattyq tehnologıalar" AQ basqarma tóraǵasy Rostıslav Konáshkınniń aıtýynsha, push-habarlama júrgizýshiler úshin yńǵaıly, sebebi ol bir aı buryn jiberiledi, ıaǵnı azamattardyń jańa qujatty qaıta rásimdeýge ýaqyty bolady.
"Osylaısha biz kólik ıelerine kóptegen qaýiptiń aldyn alýǵa kómektesemiz. Búginde eGov mobile ártúrli ómirlik jaǵdaılarǵa arnalǵan push-habarlandyrýlardyń 15 túrin usynady. Ýaqyt óte bul san artady", - dep atap ótti Konáshkın.
Sondaı-aq eGov mobıldi qosymshasynda sıfrlyq qujat – "Dıagnostıkalyq tehnıkalyq baıqaý kartasy" qoljetimdi. Jańa qujatta tehnıkalyq jaı-kúı parametrleriniń tizbesi men mindetti tehnıkalyq baıqaýdyń nátıjeleri kórsetilgen kólik pen onyń tirkemeleriniń ıesi týraly málimetter bar. Qujattyń merzimi ótip ketse, ol sıfrlyq qujattarda kórsetilmeıdi.
Kólik ıeleri elektrondy qujatty qaǵaz qujatpen qatar usyna alady. Sıfrlyq qujatty eGov mobile qosymshasynyń basty betindegi "Sıfrlyq qujattar" bóliminen tabýǵa bolady. Qujat ıesi oǵan QR kody arqyly qol jetkize alady, bul qujatty suraǵan tarapqa onyń túpnusqalyǵyn tekserýge kómektesedi.