Elimizde kámeletke tolmaǵandar arasynda tirkelgen esirtki qylmysy azaımaı tur.
İİM ókili Shuǵyla Turlybektiń dereginshe, 2020 jyly kámeletke tolmaǵandar 15 esirtki qylmysyn jasasa, onyń 5-i satý faktisine qatysty. Al 2021 jyly bul kórsetkish 26 faktige ósken, onyń 10-y satý faktisi, dep habarlaıdy Almaty-akshamy.kz Ulysmedia.kz-ke silteme jasap.
«2022 jyly kámeletke tolmaǵandar 25 esirtki quqyq buzýshylyǵyn jasaǵan, olardyń jartysy esirtkini satýǵa qatysty. Bıyl qylmystyq is júrgizýge 29 kámeletke tolmaǵan bala tartyldy, onyń ishinde 13 kolej stýdenti, joǵarǵy oqý oryndarynyń 3 stýdenti jáne 6 oqýshy bar», - dedi vedomstvo ókili.
Aıta keteıik, 2024 jyldan bastap qazaqstandyq oqýshylar jappaı nashaqorlyqqa tekserildi.
Densaýlyq saqtaý organdarynyń derekteri boıynsha Qazaqstanda esirtkige táýeldi 18 200 adam esepte tur. Onyń ishinde 1500-i áıel jáne 100-ge jýyǵy kámeletke tolmaǵandar.