Memlekettik qyzmetterdiń 150 túri boıynsha qujattardy ala alasyz
HQO-dan daıyn qujattardy alýǵa endi úıden tapsyrys berýge bolady, olardy Iandeks Dostavka kýrerleri ákep beredi, dep habarlaıdy Almaty-akshamy.kz.
Jetkizý ýaqyty orta eseppen bir saǵatty quraıdy. Osylaısha Siz tanymal memlekettik qyzmetterdiń 150 túri boıynsha qujattardy ala alasyz. Qyzmet Qazaqstannyń 17 qalasynda qoljetimdi.
Paıdalanýshynyń smartfonyna 1414 nómirinen qujattardyń daıyn bolǵany týraly, sondaı-aq express.gov4c.kz portalynda daıyn qujattardy jetkizýdi resimdeýge usynys bildiretin SMS-habarlama joldanady. Budan ári formany toltyryp, jetkizý meken-jaıy men telefonyn kórsetip, jetkizilim aqysyn tóleý kerek.
Kýrer birden taǵaıyndalady, al jetkizýdiń naqty ýaqyty tapsyrys berilgen kezde belgili bir aımaqtaǵy kýrerlik qyzmetterge suranystyń bolýymen, mejeli jerge deıingi qashyqtyqqa jáne joldaǵy jaǵdaıǵa baılanysty anyqtalady. Ortasha alǵanda, ol bir saǵatty quraıdy. Jetkizý mártebesin Iandeks Go qosymshasynda, eger ol paıdalanýshyda ornatylǵan bolsa, nemese SMS-habarlamada kórsetilgen silteme boıynsha karta vıdjeti arqyly baqylaýǵa bolady.
HQO-dan qujattardy jetkizý azamattardy ortalyqqa qaıta barýdan bosatady, sonymen birge ýaqytty únemdeıdi. Bul jumys isteıtin adamdarǵa, qaldyryp ketýge bolmaıtyn kishkentaı balalary nemese basqa týystary bar azamattarǵa qolaıly bolýy múmkin.