Qajetti qol tolyǵymen qamtamasyz etildi
Ortalyq saılaý komısıasy prezıdenttikke altynshy úmitkerdi tirkedi, dep habarlaıdy Almaty-akshamy.kz QazAqparatqa silteme jasap.
Ortalyq saılaý komısıasynyń kezekti otyrysynda QR prezıdenttigine Jalpyulttyq sosıal-demokratıalyq partıa usynǵan Nurlan Áýesbaevtiń kandıdatýrasyn tirkeý máselesi qaraldy.
OSK múshesi Sábılá Mustafınanyń aıtýynsha, aýmaqtyq saılaý komısıalarynyń hattamalary QR prezıdenttigine kandıdatty qoldaýǵa senim bildirilgen adamdar Qazaqstannyń 15 óńirinen 120 908 azamattyń qoly jınalǵan.
«Olardyń 120 908-i túgel tekserilip, 119 197-si ras dep tanyldy. Iaǵnı qajetti qol tolyǵymen qamtamasyz etildi», - dedi OSK múshesi.
OSK músheleri úmitkerdiń kandıdatýrasyn qabyldaý týraly biraýyzdan sheshim qabyldady.
«Ortalyq saılaý komısıasynyń apparatyna Nurlan Satybaldyuly Áýesbaevtyń QR Prezıdenttigine kandıdat retinde tirkelgeni týraly málimetterdi Qazaqstan Halyq jınaq bankine arnaýly ýaqytsha shotty ashý úshin dereý jiberýdi jáne kandıdattyń tirkelgeni týrly habardy BAQ-ta jarıalaýdy qamtamasyz etýdi tapsyramyn. Osylaısha, Ortalyq saılaý komısıasy Nurlan Satybaldyuly Áýesbaevty QR Prezıdenttigine kandıdat retinde tirkedi», - dedi OSK tóraǵasy Nurlan Ábdirov.
Sondaı-aq búgin Saltanat Tursynbekova da prezıdent saılaýyna kandıdat retinde resmı tirkelgen bolatyn.