25 qyrkúıekten bastap bul qyzmet eGov Mobile platformasynda qoljetimdi.
Endi erli-zaıyptylardyń notarıaldy kelisimin beıneqońyraý arqyly alýǵa bolady, dep habarlaıdy Almaty-akshamy.kz
Ádilet vıse-mınıstri Bekbolat Moldabekovtyń aıtýynsha, bul notarıaldy kelisim alý prosesin aıtarlyqtaı jeńildetedi.
"Azamattar notarıýsqa barmaı-aq qajetti kelisimdi tez ári yńǵaıly túrde ala alady. Bul proses bıometrıalyq sáıkestendirýdiń ozyq tehnologıalaryn paıdalana otyryp, derekterdiń qaýipsizdigi men qupıalylyǵyn qamtamasyz etedi", – dedi ol.
Onyń sózinshe, onlaın formattyń artyqshylyǵy – ýaqyt pen notarıýsqa barýǵa ketetin shyǵyndardy únemdeý, sondaı-aq kez kelgen yńǵaıly ýaqytta alý múmkindigi týmaq.
Qyzmetti alý úshin:
eGov Mobile platformasyna kirý;
ótinish formasyn toltyrý jáne bıometrıalyq tekserýden ótý;
beıneqońyraý arqyly kelisimdi rásimdeý;
notarıýs qyzmetine aqy tóleý;
Nátıjesinde qujat "Sıfrlyq qujattar" qyzmetinde qoljetimdi bolady.