Áleýmettik ınspektorlar halyqtyń áleýmettik osal toptarynyń quqyqtaryn qorǵaý maqsatynda 347-den astam tekserý júrgizdi
QR Áleýmettik kodeksiniń kúshine enýimen osy jyldyń 1 shildesinde elimizde quzyretine múgedektigi bar adamdardy áleýmettik qorǵaý, arnaýly áleýmettik qyzmetter kórsetý jáne áleýmettik qamsyzdandyrý salasyndaǵy zańnamanyń saqtalýyn baqylaýdy júzege asyrý kiretin memlekettik áleýmettik qorǵaý ınspektorlary ınstıtýty engizildi. Osy kezeńde áleýmettik ınspektorlar 347 tekserý júrgizip, onyń 151-i profılaktıkalyq baqylaý sheńberinde, 196-cy jospardan tys tekserýler boldy.
Memlekettik baqylaýmen: 54 mektep, kolejder men balabaqshalar, 44 jergilikti atqarýshy organdardyń oblystyq jáne aýdandyq bólimderi, 65 basqarma jáne jumyspen qamtý bólimderi, 15 dúken, 5 saýda ortalyǵy, 16 medısınalyq-áleýmettik mekeme, 9 emhana, aýrýhana jáne dárihana, 5 halyqty talqylaý ortalyǵy, 2 bank bólimshesi, 3 Qazposhta bólimshesi, 3 kásiporyn, 1 fıtnes-klýb, 4 sanatorıı, 2 kafe, 2 shashtaraz jáne t. b. qamtyldy.
Máselen, Eńbek jáne áleýmettik qorǵaý komıtetiniń Qostanaı oblysy boıynsha departamenti júrgizgen jospardan tys tekserýler nátıjesinde Lısakov arnaýly áleýmettik qyzmetter kórsetý ortalyǵynda arnaýly áleýmettik qyzmetterdi sapasyz usyný jáne Small saýda obektilerinde kórý fýnksıalary buzylǵan adamdar úshin aqparattyq quraldardyń bolmaýy faktileri anyqtaldy. Tekserý nátıjesinde anyqtalǵan buzýshylyqtardy joıý týraly nusqama berildi, sondaı-aq ákimshilik jaýapkershilik sharalary qabyldandy.
Eńbek jáne áleýmettik qorǵaý komıtetiniń Almaty oblysy boıynsha departamenti «Azamattarǵa arnalǵan úkimet» MK» KEAQ fılıalynyń Talǵar aýdandyq jer kadastry jáne tirkeý bólimine tekserý júrgizdi. Tekserý nátıjeleri boıynsha laýazymdy adamǵa anyqtalǵan buzýshylyqtardy joıý týraly nusqama berildi, sondaı-aq ákimshilik jaýapkershilik sharalary qabyldandy.
Budan buryn habarlanǵandaı, memlekettik áleýmettik ınspektorlar ınstıtýty engizilgenge deıin QR EHÁQM Eńbek jáne áleýmettik qorǵaý komıtetiniń aýmaqtyq departamentteri 2023 jyldyń 1 jartyjyldyǵynda 750 tekserý júrgizdi, anyqtalǵan buzýshylyqtardy joıý týraly 533 uıǵarym berildi, 44 mln teńgeden astam somaǵa 233 aıyppul salyndy.