Sonymen qatar, elimizdegi 11 býkmekerlik keńse men totalızatorlar málimetterin salyq organdaryna berýge mindetteledi.
Ol jerde bás tigýshiniń jeke sáıkestendirý nómiri, utys somasy men nátıjesi, oıyn shotyndaǵy operasıalary tolyq kórsetiledi. Jınaqtalǵan derekter qupıa saqtalady. Qadaǵalaý sharasy 12 aqpannan bastap kúshine enedi, dep habarlaıdy Almaty-akshamy.kz
«Bul qaǵıdalar berilýge jatatyn málimetterdiń tizimin kózdeıdi. Onyń ishinde bás tigýge qatysatyn jeke tulǵalardyń málimetteri sondaı-aq, bás tigý boıynsha jalpy aqparat. Somalary, onyń nátıjeleri degendeı. Bunyń qupıalylyǵy tıisti zańnama aktilerine, talaptaryna sáıkes júrgiziledi», - deıdi QR memlekettik kirister komıteti basqarmasynyń basshysy Erqanat Shyńbergen.