Endi adamdar EAEO aýmaǵynda jumys izdeı alady
2021 jylǵy 1 shildeden bastap Eýrazıalyq ekonomıkalyq odaq (budan ári – EAEO) aýmaǵynda jumys izdeýdiń birizdendirilgen júıesi – «Shekarasyz jumys» ónerkásiptik paıdalanýǵa beriletin bolady, dep habarlady Almaty-akshamy.kz. QR Eńbek jáne halyqty áleýmettik qorǵaý mınıstrliginiń saıtynda jarıalanǵan habarǵa silteme jasap.
«Shekarasyz jumys» – bul EAEO-ǵa múshe memleketterdiń aqparattyq júıelerindegi bos jumys oryndary men bos jumys oryndaryn izdeýshiler týraly aqparat alýǵa arnalǵan izdeý júıesi.
«Ortaq ıntegrasıalyq júıeni bir ýaqytta iske qosý úshin sheteldik áriptestermen birlesip múshe memleketterdiń aýmaǵynda jumys izdeý boıynsha negizgi aqparattyq júıeler ázirlendi: «Gors» armán aqparattyq júıesi, Belarýs Respýblıkasynyń Memlekettik jumyspen qamtý qyzmetiniń aqparattyq portaly, qyrǵyzdardyń «Jumyspen qamtý» portaly, «Reseıdegi jumys» aqparattyq júıesi jáne, árıne, bizdiń «Eńbek» portaly», – dedi QR Eńbek jáne halyqty áleýmettik qorǵaý vıse-mınıstri Erbol Ospanov.
Jalpy, júıe EAEO-nyń barlyq jumys izdeýshileri men jumys berýshilerine ulttyq eńbek bırjalarynda jınalǵan, verıfıkasıalanǵan jáne jarıalanǵan bos jumys oryndary men túıindemeler boıynsha jumys ornyn nemese qyzmetkerlerdi izdeýge múmkindik beredi.