Qazaqstannyń bírqatar óńírlerínde 30 mausym men 2 shílde aralyǵynda qatty ystyq saqtalady.
Tótenshe jaǵdaılar mınıstrlígí ystyqtan saqtanu úshín azamattardy asa qajettílík bolmaǵan jaǵdaıda dalaǵa shyqpauǵa keńes beredí, dep habarlady Almaty-akshamy.kz.
Mamandardyń aıtuynsha, Almaty qalasynda 30 mausym kúní kúndíz 33-35 gradus qatty ystyq kútíledí.
«Tótenshe jaǵdaılar mınıstrlígí ystyqtan saqtanu úshín azamattardy asa qajettílík bolmaǵan jaǵdaıda dalaǵa shyqpauǵa keńes beredí, sondaı-aq:
- aǵzany susyzdanudan qorǵau úshín kóp su, kúníne kemínde 1,5-3 lıtr sūıyqtyq íshu kerek;
- aptap ystyqta kez kelgen dene eńbegínen bas tartyńyz;
- kúndíz kún sáulesí bólmege kírmeuí úshín terezelerdí ashyq reńktí perdelermen jabyńyz;
- kún ótpes úshín bas kıím, ashyq aua ótkízbeıtín kıím (maqtadan jasalǵan) kıíńíz. Ystyq aua raıynda balalarǵa erekshe nazar audaryp, saq bolyńyz», – delíngen atalmysh vedomstvonyń baspasóz qyzmetí taratqan habarlamada.
Sonymen qatar, mamandar qazaqstandyqtardy dala jáne orman alqaptarynda bolǵan kezde qauípsízdík qaǵıdalaryn saqtauǵa shaqyrdy.
«Tabıǵı órtterdíń oryn aluynyń negízgí sebepterí halyqtyń otty abaısyz paıdalanuy, sóndírílmegen temekí, alau, janǵan síríńke, maıly nemese tozyǵy jetken shúberek, shyny bótelke, kólík qūralynyń sóndírgíshínen ūshqyny, qūrǵaq shóptíń jaǵu, naızaǵaı bolyp tabylady», – deıdí mamandar.