Qazaqstan Respýblıkasynyń ótinishi boıynsha tájik tarapy «Bahrı Tochık» sý qoımasynan qosymsha jiberetin bolady.
Dýshanbe qalasynda Halyqaralyq Araldy qutqarý qory (HAQQ) basqarmasynyń otyrysy aıasynda Qazaqstan men Ózbekstannyń ekijaqty kezdesýi ótti, dep habarlaıdy Almaty-akshamy.kz QR Ekologıa, geologıa jáne tabıǵı resýrstar mınıstrliginiń málimetine súıene otyryp.
Kezdesýge Qazaqstan tarapynan QR Premer-Mınıstriniń orynbasary Roman Sklár men QR Ekologıa, geologıa jáne tabıǵı resýrstar mınıstri Maǵzum Myrzaǵalıev, al Ózbekstannan Premer-Mınıstrdiń Orynbasary Sh. Ǵanıev, Ózbekstan Respýblıkasy Sý sharýashylyǵy mınıstri Sh. Hamraev qatysty.
Kezdesý barysynda taraptar sý sharýashylyǵy salasyndaǵy yntymaqtastyq máselelerin talqylady, sondaı-aq qolaıly vegetasıalyq kezeńdi ótkizý boıynsha pikir almasty.
Shardara sý qoımasyndaǵy sý sharýashylyǵy jaǵdaıyn jaqsartý maqsatynda taraptar Ózbekstan Respýblıkasynyń aýmaǵy arqyly kedergisiz sý tranzıtiniń máselesin talqylady.
Atalǵan sý kólemin Qazaqstan Respýblıkasynyń ótinishi boıynsha tájik tarapy «Bahrı Tochık» sý qoımasynan qosymsha jiberetin bolady.
Budan ózge, mınıstr Maǵzum Myrzaǵalıev transshekaralyq sý obektilerin birlesip basqarý jáne paıdalaný týraly kelisim jobasyn kelisýdi aıaqtaýdyń mańyzdylyǵyn atap ótti.
Kezdesý nátıjesinde taraptar transshekaralyq sý obektilerin birlesip basqarý jáne paıdalaný týraly kelisimdi talqylaý jóninde keńes ótkizýge kelisti.