Mádenıet jáne sport mınıstri «Birinshi basshylaryn QR Úkimeti laýazymǵa taǵaıyndaıtyn jáne bosatatyn memlekettik joǵary jáne joǵary oqý ornynan keıingi bilim berý uıymdarynyń tizbesin bekitý týraly» buıryqqa qol qoıdy, dep habarlaıdy Almaty-akshamy.kz QazAqparatqa silteme jasap.
Buıryqqa sáıkes, endi myna oqý oryndarynyń basshylaryn Úkimet taǵaıyndaıdy:
- Qurmanǵazy atyndaǵy Qazaq ulttyq konservatorıasynyń basshysyn;
- Qazaq ulttyq óner ýnıversıtetiniń basshysyn;
- Temirbek Júrgenov atyndaǵy Qazaq ulttyq óner akademıasynyń basshysyn;
- Qazaq ulttyq horeografıa akademıasynyń basshysyn.
Aıta keteıik, buǵan deıin atalǵan oqý oryndarynyń rektorlary Prezıdent ókimimen taǵaıyndalatyn.
Buıryq alǵash resmı jarıalanǵannan 10 kún ótip baryp, 5 tamyzda kúshine enedi.