«Qazgıdromet» RMK 30 shildege arnalǵan Qazaqstan aýmaǵyndaǵy sınoptıkalyq jaǵdaı men qaýipti aýa raıy qubylystary týraly boljamyn jarıalady, dep habarlaıdy Almaty-akshamy.kz.
Aýa raıy boljamyna sáıkes, Qazaqstanda turaqsyz aýa raıy saqtalady.
«Atmosferalyq frontaldy ýchaskelerdiń ótýimen Qazaqstan Respýblıkasynyń basym bóliginde aýa raıy turaqsyz bolady, naızaǵaı oınap, jańbyr jaýady. Qazaqstan Respýblıkasynyń batysynda shańdy daýyl kútiledi. Tek respýblıkanyń ońtústiginde kún raıy jaýyn-shashynsyz bolady, respýblıka boıynsha jel kúsheıedi boljandy» dep habarlady «Qazgıdromet» RMK
Kúndiz Almaty, Qyzylorda, Mańǵystaý, Aqtóbe, Jetisý, Ulytaý oblystarynda, Qostanaı, Qaraǵandy oblystarynyń ońtústiginde 35-42°S aptap ystyq bolady.
Aqtóbe oblysynyń ońtústiginde kúndiz 42°S óte qatty ystyq bolady.
Almaty, Túrkistan, Aqtóbe, Qaraǵandy, Qyzylorda, Shyǵys Qazaqstan, Ulytaý, Abaı, Jetisý oblystarynyń basym bóliginde, Qostanaı oblysynyń ońtústiginde, Pavlodar oblystarynyń ońtústiginde, shyǵysynda tótenshe órt qaýpi bar.
Mańǵystaý oblysynyń basym bóliginde tótenshe órt qaýpi, oblystyń batysynda joǵary órt qaýpi bar dep boljandy.
Atyraý oblysynyń shyǵysynda joǵary órt qaýpi, batysta jáne soltústikte óte joǵary órt qaýpi bar.
Aqmola oblysynyń basym bóliginde joǵary órt qaýpi, batysta jáne ońtústikte tótenshe órt qaýpi saqtalady.