"Eńbekqorlyq pen kásipqoılyq ıdeıasy"

Kásiptik bilim berý júıesinde sońǵy jyldary úlken reformalar júrgizilip jatyr. Olardyń  qatarynda  "WorldSkills" halyqaralyq qozǵalysy, "Jas maman" baǵdarlamasy boıynsha kolejderdiń oqý-materıaldyq bazasyn nyǵaıtý, jan basyna shaqqandaǵy normatıvtik qarjylandyrýdy engizý, «Pedagog mártebesi» týraly zań, oqytýda modýldik - quzyrettilik tásildi qoldaný, bilim berý baǵdarlamalaryn ıgerý sapasyn baǵalaýdyń baldyq - reıtıńtik júıesin engizý, pedagogterdiń jalaqysyn arttyrý, stýdentterdiń shaqirtaqysyn ósirý, kolejderde, mamandyqtaryna saı, quzyrettilik ortalyqtaryn iske qosý sıaqty qadaý-qadaý  máseleler iske asyp jatyr. Búgingi kúnde eń quantatyn jaǵdaı ol, kásibı bilim berýdi damytýdyń eń erekshe jalǵasy Memleket basshysynyń Qazaqstan halqyna Joldaýy boldy. 

Joldaýda  kásiptik bilim berý reformalarynyń mańyzdylyǵyn atap, osy jyldy «Jumysshy mamandyqtar jyly» dep jarıalady.  Osy ýaqyt ishinde tehnıkalyq jáne kásiptik bilim berý júıesin reformalaýdy júzege asyrý qajet.  Jumysshy mamandyqtar jyly bizdiń qoǵamda eńbekqorlyq pen kásipqoılyq ıdeıasyn ilgeriletýge de járdemdesetin bolady", –degen  Memleket basshysynyń senimi bizge erekshe serpin berip otyr.

Sondaı-aq, el Prezıdenti  «jumystyń jamany joq, kez – kelgen eńbek qurmetke ıe.  Eń bastysy, árbir azamat óz mindetterin adal, tereń jaýapkershilik sezimimen oryndasa, bizdiń el progres jolynda bıikterge jetedi» dep otyr. Árıne,   qoǵamda eń aldymen  adal jáne jaýapty jumys mindetti túrde baǵalanady degen túsinik qalyptasýy kerek.   Buryn marapattar muǵalimderge, dárigerlerge jáne mádenıet qaıratkerlerine ǵana arnalyp keldi.  Endigi jerdeMemleket basshysy elimizdiń básekege qabiletti ekonomıkasy men údemeli ilgerileýin qalyptastyrý úshin jumysshy kásipteri men túrli sala mamandarynyń bedelin dáıekti túrde arttyrý qajet, -dep tolyqtyrdy.  Memleket basshysynyń alǵa qoıǵan mindetterin oryndaýdyń ózektiligi men qajettiligin Almaty avtomehanıka kolejiniń ınjenerlik-pedagogıkalyq ujymy bolashaq mamandardy jan-jaqty oqytyp,  sapasyn arttyrýdy maqsat etip,  óz jumysyn jalǵastyrýda, óıtkeni elimizdiń damý tarıhynda jumysshy mamandyqtar jyly alǵash ret jarıalanyp otyr.

Kolejdiń tarıhy qurylys salasynyń bilikti jumysshy kadrlaryn daıarlaý úshin "Mıntájstroı" janyndaǵy qalalyq kásiptik tehnıkalyq ýchılısheniń ashylýynan bastalady.  Bul  ótken ǵasyrdyń jetpisinshi jyldarynyń sońy. Sol kezdiń ózinde  memleket qurylysyna asa qajet kranshy, júrgizýshi, avtokólik slesary, aǵash ustasy sıaqty jumysshy mamandardy daıarlaǵan eken.  Talaı belesten ótken oqý orny Almaty qalasy ákimdiginiń sheshimimen   2013 jyldan bastap, «Almaty avtomehanıka koleji» komýnaldyq memlekettik qazynalyq kásiporny bolyp ózgertildi. Búgingi tańda kolej  "Avtomobıl kóligine tehnıkalyq qyzmet kórsetý, jóndeý jáne paıdalaný",  "Dánekerleý isi";  "Tokarlyq is jáne metal óńdeý"  syndy mamandyqtardyń mamandaryn daıarlap jatyr.  Kolejde 800-den astam stýdent oqıdy. Oqytý modýldik-quzyrettilik tásil negizinde júrgiziledi. Biz dýaldy oqytý júıesi negizinde seriktes kásiporyndarmen óndiristik jáne kásiptik tájirıbe  boıynsha yntymaqtastyq negizde jumys jasap jatyrmyz. Kolejdiń oqý-materıaldyq bazasy  "Jas maman" baǵdarlamasyna sáıkes mashına jasaý baǵyty boıynsha zamanaýı jabdyqtarmen jabdyqtalǵan.  Jyl saıyn Almaty qalasynyń ákimdigi eńbek naryǵy men áleýmettik áriptesterdiń talaptaryna sáıkes kolejdiń qolda bar materıaldyq bazasyn jetildirýdi júrgizip keledi. Kolejdiń ujymy  tıisti sanattary men bilimi bar myqty ınjenerlik-pedagogterden turady. Bul turǵyda  kolej pedagogtary qalalyq jáne respýblıkalyq deńgeıde biliktilikti arttyrý kýrstarynan ótip otyrady.

Almaty qalasy ákimdiginiń bastamasyna sáıkes arnaıy pánder oqytýshylary men óndiristik oqytý sheberleri  úshinshi jyl qatarynan ekonomıkalyq yntymaqtastyq jáne damý uıymy elderiniń oqý ortalyqtarynda halyqaralyq taǵylymdamadan ótýdi jalǵastyryp jatyr.