Qujat 21 aqpanǵa deıin jarıa talqylaý úshin "Ashyq NQA" saıtynda ornalastyrylǵan.
Qazaqstanda ulttyq mádenı ıgilik obektileriniń memlekettik tizilimi júrgiziletin bolady, dep habarlaıdy aqshamnews.kz
Mádenıet jáne aqparat mınıstrligi Ulttyq mádenı ıgilik obektileriniń memlekettik tizilimin qalyptastyrý jáne júrgizý qaǵıdalaryn ázirledi.
Memlekettik tizilimge el tarıhy men mádenıeti úshin erekshe máni bar ulttyq mádenı ıgilik obektileri (UMIO) týraly málimetter engiziledi.
Memlekettik tizilimdi mádenıet salasyndaǵy ýákiletti organ memlekettik jáne orys tilderinde, qaǵaz jáne elektrondyq jetkizgishterde júrgizedi.
Memlekettik tizilimge mádenı qundylyqtardy zerdeleýmen aınalysatyn jeke jáne zańdy tulǵalardan kelip túsken UMIO týraly málimetter engiziledi.
Memlekettik tizilimdi qalyptastyrý úshin ýákiletti organ ótinimderdi qabyldaý bastalǵanǵa deıin keminde kúntizbelik 30 (otyz) kún buryn óziniń Internet-resýrsynda tıisti aqparatty jarıalaıdy.
Mádenı qundylyqtardy zerdeleýmen aınalysatyn jeke jáne zańdy tulǵalar beretin UMIO týraly málimetter:
UMIO-nyń tolyq ataýyn;
UMIO-nyń sıpattamasyn;
UMIO-nyń jasalǵan kúnin;
UMIO derekterin;
UMIO-nyń shyqqan jerin;
UMIO-nyń ornalasqan jerin;
UMIO-nyń fotosýretin qamtıdy.
UMIO týraly málimetterdi ýákiletti organ kelip túsken kúninen bastap kúntizbelik 30 (otyz) kúnniń ishinde qaraıdy.
Mádenı qundylyqtardy zerdeleýmen aınalysatyn jeke jáne zańdy tulǵalardan osy Qaǵıdalardyń 8-tarmaǵynda kórsetilgen UMIO týraly qujattar toptamasy ne (nemese) málimetter tolyq kelip túspegen jaǵdaıda, ýákiletti organ talaptarǵa sáıkessizdikti anyqtaǵan kezden bastap 1 (bir) jumys kúni ishinde ony odan ári qaraýdan ýájdi bas tartýdy daıyndaıdy.
Komısıa hattamasynyń negizinde ýákiletti organ kórsetilgen merzim ishinde mynadaı sheshimderdiń birin qabyldaıdy:
UMIO týraly málimetterdi Memlekettik tizilimge engizý;
UMIO týraly málimetter el tarıhy jáne mádenıeti úshin erekshe máni bolmaǵandyqtan, Memlekettik tizilimge engizýge jatpaıdy.
Ýákiletti organ sheshim qabyldanǵan kúnnen bastap on jumys kúni ishinde mádenı qundylyqtardy zerdeleýmen aınalysatyn jeke jáne zańdy tulǵalarǵa qabyldanǵan sheshim týraly habarlaıdy.