Jármeńke 29 naýryz kúni bolady.
Onda túrli mamandyqtar boıynsha 350-ge jýyq bos jumys orny usynylady, dep habarlaıdy Almaty-akshamy.kz
2023 jylǵy 29 naýryzda Enbek.kz elektrondyq eńbek bırjasy alańynda taý-ken óndirý jáne óńdeý ónerkásibi kásiporyndarynyń bos jumys oryndarynyń respýblıkalyq onlaın- jármeńkesi ótedi.
Jármeńkege elimizdiń túrli óńirlerinen "Almaty aýyr mashına jasaý zaýyty" AQ, "KSP Steel" JSHS, "Remstroıtehnıka" AQ, "KAZ Minerals Aktogay" JSHS jáne basqa da 15 iri jumys berýshi qatysady.
Jármeńke barysynda jumys berýshiler óz kompanıalarynyń onlaın-tanystyrylymyn ótkizedi, qolda bar bos jumys oryndaryn usynady jáne eń qolaıly kandıdattardyń jeke bazasyn qalyptastyrady. Ótinish berýshiler óz kezeginde uıymdardyń HR-menedjerlerimen sóılese alady, áńgimelesýden ótip, olarǵa qyzyqtyrǵan suraqtaryn qoıa alady.
İs-sharaǵa qatysý úshin EEB portalyndaǵy Tanda.Enbek arnaıy bólimine kirý kerek, onda jumys izdeýshiler jumys berýshiler týraly qysqasha aqparatpen tanysyp, qoljetimdi bos jumys oryndaryn qarap, olarǵa jaýap bere alady.
Ótinish berýshiler qatysý úshin portaldyń jeke kabınetin ashýy nemese oǵan kirýi jáne tirkelýi qajet. Jármeńke bastalar aldynda atalǵan elektrondyq poshtaǵa shaqyrý haty jiberiledi.