27 esirtki men prekýrsor ataýy memlekettik baqylaýǵa alynady.
Bul týraly İİM baspasóz qyzmetiniń ókili Shuǵyla Turlybek málim etti, dep habarlaıdy Almaty-akshamy.kz QazAqparatqa silteme jasap.
«20 naýryzda Úkimet birqatar zańǵa táýeldi normatıvtik-quqyqtyq aktilerge ózgerister men tolyqtyrýlar engizýdi kózdeıtin aktige qol qoıdy. Ol qosymsha 27 esirtki men prekýrsor ataýyn memlekettik baqylaýǵa alýdy kózdeıdi. Qazirgi ýaqytta bul tizimde aınalymyn memleket baqylaıtyn myńnan astam zattar bar. Qazir oǵan esirtki men psıhotroptyń taǵy 15 ataýy, sondaı-aq prekýrsorlardyń 12 ataýy jáne olardy jasaý úshin qoldanylatyn zattar engizilgen», - dedi Shuǵyla Turlybek İshki ister mınıstrliginiń baspasóz qyzmeti alańynda ótken brıfıń barysynda.
Onyń atap ótýinshe, «dárihanalyq» nashaqorlyqpen kúresý maqsatynda psıhotroptyq zattardyń tizimi tramadolmen tolyqtyrylady. Sondaı-aq psıhotroptyq analgetık te bar. Ony esirtkige táýeldiler eıforıa áserin alý úshin paıdalanady jáne tutastaı alǵanda ol esirtkige táýeldiliktiń qalyptasýyna yqpal etedi.
«Qylmystyq jaýapkershilikke tartylatyn tramadoldyń salmaǵy 0,1 gram bolyp belgilendi. Bul shaǵyn ólshem, al 10 gramǵa deıin - úlken ólshem, 10 gramnan assa asa úlken ólshem sanalady. Úkimet aktisi qoldanysqa engizilgen soń tramadol tek resept boıynsha jáne esirtki quraldary jáne psıhotroptyq zattar aınalymyna baılanysty qyzmetke lısenzıasy bar dárihanalyq jáne emdeý-profılaktıkalyq uıymdarda ǵana beriletin bolady. Tramadoldyń zańsyz aınalymy úshin qylmystyq jaýapkershilik qoldanystaǵy zańnamaǵa sáıkes bastalady», - dedi ol.