Almatylyq mamandar eńbek shartyna qatysty jıi qoıylatyn suraqtarǵa jaýap berdi.
Óńirlik komýnıkasıalar qyzmeti alańynda eńbek ınspeksıasy mamandarymen azamattardyń eńbek quqyqtaryn qorǵaý týraly baspaksóz konfekrensıasy ótti. Onyń barysynda mamandar jıi qoıylatyn saýaldarǵa jaýap berdi, dep habarlaıdy Almaty-akshamy.kz.
- Eńbek ınspeksıasy Qazaqstan Respýblıkasy eńbek zańnamasynyń saqtalýyn memlekettik baqylaýdy qalaı júzege asyrady?
Eńbek zańnamasynyń saqtalýyn memlekettik baqylaýdy basqarmada 22 memlekettik eńbek ınspektor atqarady.
memlekettik eńbek ınspektor óziniń qyzmettik mindetterin atqaratyn kezde zańmen qorǵalady jáne qoldanystaǵy normatıvtik quqyqtyq aktilerdi basshylyqqa alady.
Memlekettik eńbek ınspektoryna qyzmettik mindetterin oryndaýǵa kedergi keltirgen tulǵalar Qazaqstan Respýblıkasynyń zańdaryna sáıkes jaýapkershilikke tartylady.
Qazaqstan Respýblıkasynyń eńbek zańnamasynyń saqtalýyn memlekettik baqylaý tekserý jáne kásiporyndarǵa barý arqyly profılaktıkalyq baqylaý nysanynda júzege asyrylady.
- Jumysshylardyń qandaı quqyqtary kóbinese buzylady, olarǵa ne sebep bolady jáne eńbek ınspeksıasy osyǵan qatysty qandaı sharalar qoldanady?
Eńbekke aqy tóleý jónindegi talaptardy buzý, ıaǵnı jumys berýshiniń jumysshyǵa tolyq kólemde jáne eńbek zańnamasynda belgilengen merzimderde eńbek aqyny tólemeýi, sol sıaqty jumys berýshiniń kinásinan tólemdi keshiktirgen kezeńi úshin ósimpuldy eseptemeýi jáne tólemeýi. Sonymen qatar ústeme jumysqa, mereke jáne demalys kúnderindegi jumysqa aqy tóleý, sondaı-aq túngi ýaqyttaǵy eńbekke aqy tóleý jónindegi talaptaryn buzý. Bundaı quqyq buzýshylyq ákimshilik jaýapkershilikke, ıaǵnı Ákimshilik quqyq buzýshylyq týraly kodekske sáıkes 30dan bastap 150 aılyq eseptik kórsetkish mólsherinde aıyppul salýǵa ákep soǵady.
Máselen, Eńbek kodeksine sáıkes, jalaqy Qazaqstan Respýblıkasynyń ulttyq valútasynda belgilenedi jáne kelesi aıdyń birinshi onkúndiginen keshiktirilmeı aıyna bir retten sıretpeı tólenedi. Jalaqy tólenetin kún eńbek, ujymdyq sharttarda kózdeledi. Jalaqy tólenetin kún demalys nemese mereke kúnderine týra kelgen kezde tólem olardyń qarsańynda júrgizilýi tıis.
Eńbek sharty toqtatylǵan kezde, jumys berýshiden jumyskerge tıesili somalardy tóleý ol toqtatylǵannan keıingi úsh jumys kúninen keshiktirilmeı júrgizilýi tıis.
Negizgi sebepter retinde sýbektıvti jáne obektıvti jaǵdaılar kezdesip jatady. Birinshisine keı jumys berýshilerdiń nemquraıdylyǵyn nemese óz mindettemelerin bilmeýin jatqyzar bolsaq. Ekinshisine kásiporyndardaǵy sharttyq qatynastardan týyndaıtyn mindettemelerdi kontragentterdiń oryndamaýy, quqyq qorǵaý organdary tarapynan zań buzýshylyqtarǵa qatysty shekteýler qoıýy sıaqty sebepter jatady.