2023 jylǵy 1 qarashadaǵy derekter boıynsha respýblıka boıynsha Eńbek sharttaryn esepke alýdyń biryńǵaı júıesi tirkelgen eńbek sharttarynyń sany 4 mln 370 myńdy nemese 90%-dy qurady.
Eńbek sharttaryn esepke alýdyń biryńǵaı júıesi eńbek qatynastarynyń ashyqtyǵyn qamtamasyz etedi, qarapaıym eńbek sharttarynan ǵana emes, olardy jasaý úshin qajetti basqa da qaǵaz qujattardan bas tartýǵa múmkindik beredi, dep habarlaıdy Almaty-akshamy.kz.
Jumyskerler úshin elektrondyq eńbek sharttary júıesin paıdalaný jumysqa ornalasý prosesiniń barlyq kezeńderin jeńildetýge múmkindik beredi, sonyń ishinde qujattardy jınaý qajettiligi alyp tastalady.
Jumys berýshi úshin kadrlyq is júrgizý, onyń ishinde jumyskerlerdi jaldaý jáne aýystyrý ońtaılandyrylady. Kandıdattyń elektrondyq jeke isine qol jetkizýdiń arqasynda ol jeke kýálik, bilimi týraly dıplom, eńbek qyzmeti, jumys ótili jáne qyzmetkerdiń biliktiligi boıynsha senimdi derekterdi ala alady. Tıisinshe, qyzmetkerlerdi irikteý neǵurlym sapaly deńgeıde júzege asyrylady.
Budan basqa, qazirgi ýaqytta eńbek jaǵdaılaryn jaqsartý, qyzmetkerlerdiń quqyqtaryn saqtaý máselelerinde jumys berýshi men qyzmetkerler arasyndaǵy ujymdyq-sharttyq qatynastarǵa basa nazar aýdarylady. Ujymdyq sharttardyń negizgi maqsaty – qyzmetkerlerdiń áleýmettik jáne eńbek quqyqtaryna kepildik berý.
Búgingi kúnde Qazaqstannyń iri jáne orta kásiporyndarynyń 94,2%-ynda ujymdyq sharttar jasaldy. Óńirlerde eńbek ınspeksıasy barlyq kásiporyndarda ujymdyq sharttar jasasý boıynsha turaqty jumys júrgizedi.
Eńbek sharttaryn tirkeý hr.enbek.kz eńbek resýrstary portaly arqyly júzege asyrylatynyn esterińizge sala keteıik, ol Elektrondyq eńbek bırjasynyń sıfrlyq jumyspen qamtý ekojúıesiniń bóligi bolyp tabylatyn. Bul ekojúıe azamattardy kásibı jolynda mamandyq tańdaýdan bastap eńbek qatynastaryn rásimdeýge deıin súıemeldeıdi. Azamattar portalda nemese Enbek.kz qosymshasynda jumys taba alady nemese jumyspen qamtý salasyndaǵy memlekettik qyzmetter alyp, Skills.Enbek.kz onlaın-oqytý platformasynda jańa daǵdylardy úırenedi jáne Business.Enbek.kz portalynda bıznes ashýǵa memlekettik grant ala alady, ol úshin tek bir eseptik jazbasy bolsa jetkilikti.
Sondaı-aq, portal fýnksıonalyn Enbek HR mobıldi qosymshasy arqyly paıdalanýǵa bolady.