Bolgarıanyń soltústik-shyǵysynda qalyń qar túsip, jol apaty tirkeldi.
Saldarynan 2 adam qaza taýyp, taǵy 36 kisi jaraqat aldy. Myńdaǵan úı jaryqsyz otyr. Joldar jabylyp, qalada qozǵalys shekteldi. Bul týraly Balqan eliniń premer-mınıstri málimdedi. Onyń sózinshe, tolassyz jaýǵan qardyń arty qatty daýylǵa ulasqan. Jeldiń joǵary ekpininen aǵashtar jerge qulap jatyr. Kólikter jolda qarǵa batyp qalǵan. Ásirese, soltústik-shyǵystaǵy 4 aımaqta qaýip deńgeıi joǵary. Jergilikti bılik elde tótenshe jaǵdaı jarıalady. Qazir 300-ge jýyq bilim uıymdarynda jumys toqtady.