Álem úzdikteri Almatyda bas qosty. Bunda kıokýshın sheberleriniń dúnıejúizilik dodasy ótti.
Oǵan 35 memleketten 700-ge jýyq qatysýshy jınaldy, dep habarlaıdy almaty-akshamy.kz 24.kz-ke silteme jasap. Aıta ketý kerek, álemdik alman uzaq úzilisten keıin qaıta jandanyp otyr. Iaǵnı, pandemıaǵa baılanysty toqtap qalǵan edi. Sondyqtan, Almatydaǵy baıraqty báseke á degennen tartysty bastaldy. Jarystyń alǵashqy kúnderi jasóspirimder, jastar jáne ardagerler arasyndaǵy jekp-ejekter boldy. Nátıjesinde Qazaqstan quramasy jalpykomandalyq esepte alǵa shyqty. Tipti, osy sporttyń otany sanalatyn japon qyz-jigitterinen de asyp tústi. Keıin jeńis jolyn eresekter jalǵastyrdy. Iaǵnı, 13 salmaqtaǵy chempıondar anyqtalǵan edi. Jarys qorytyndysy boıynsha ulttyq qurama ókilderi 6 altyn, 4 kúmis jáne 11 qola jeńip aldy. Áıelder arasynda Narqyz Uzaqbaeva men Uljan Raqysheva óz salmaqtarynda top jarsa, erler arasynda Hatıp Aıýpov, Nurlyhan Sádýaqasov, Rysbek Maqsutov jáne Nıkıta Garas qarsylas shaq keltirmedi. Jalpy tizimde Qazaqstan birinshi, al, Reseı men Japonıa, sáıkesinshe, ekinshi jáne úshinshi oryndarda tur.